Nanchi Lesa Ukonauna Bantu Batama Jibiji Nyi?

22 Bantu lelo jino batama bingi pamotu. Ñanyi bintu byatama bibena kubiwa pano?

23 Bamo bepaya bantu bakwabo. Lesa wa amba’mba kange mube kino ne. —Kulupuka 20:13; 1 Yoano 3:11, 12

24 Bamo beba. Lesa wa amba’mba kechi mwafwainwa kwiba ne. —Kulupuka 20:15; Efisesa 4:28

25 Bantu bamo basongola bakazhi bavula. Bakwabo nabo bekala na banabakazhi babiji nangwa kukilapo mu mazubo apusana pusana. Kabiji bakwabo nabo nobe bamukazhi ne mulume bekala pamo kwabula kwi basongwesha ne. Bino byonse byo bilwisha kwamba kwa Baibolo.—Mateo 19:4-6; 1 Kolinda 7:1-4; 1 Timoti 3:1, 2

26 Nanchi muvuluka mba Lesa wamupele Adama mukazhi umotu nyi? —Ntendekelo 2:22, 24

27 Bamo bapopwela bankishi. Pakuba Lesa wamba mba kechi mwafwainwa kwingijisha bankishi nangwa bipashañano mu bupopweshi ne. —Kulupuka 20:4, 5; Isaya 44:9-17; 1 Yoano 5:21

28 Yehoba ukonauna babi bonka babula kupimpula byubilo. —Masalamo 37:9, 10; Luka 13:5; 1 Kolinda 6:9, 10