Lufunjisho 14

Balunda Na Lesa Bachinuzhuka Kuba Bintu Byatama

Satana utundaika bantu kuba byatama. Muntu usaka kwikala mulunda na Lesa wafwainwa kushikwa bintu Yehoba byo ashikwa. (Masalamo 97:10) Pano paji bimo balunda na Lesa byo bachinuzhuka:

Mambo a kwilala. “Kuba bukende ne.” (Kulupuka 20:14) Kwilala saka mu kyangye kwisongola kwatama.—1Kolinda 6:18.

Kupendwapendwa. “Bapendwapendwa, ... kechi bakaswana bufumu bwa Lesa ne.”—1Kolinda 6:10.

Kwipayañana, Kufumya jiimi. “Kwipayañana ne.”—Kulupuka 20:13.

Bwivi. “Kwiba ne.”—Kulupuka 20:15.

Bubela. Yehoba wapata “lujimi wa bubela.”—Byambo bya Mana 6:17.

Malwañano ne bukaji bubula kulamwa. “Pakuba muchima wanji [Yehoba] wamushikwa mubi ne watemwa bukapondo pamo.” (Masalamo 11:5) “Mingilo ya buntunshi [ivwangamo] ... ne bukaji.”—Ngalatiya 5:19, 20.

Kuteya ngyuka. “Kechi mupwanañane na muntu ... wa lunkumbwa.”—1 Kolinda 5:11.

Lupato lwa mitundu ne Mishobo. “Sa mwibatemwa balwanyi benu ne kwibalombela bemupata.”—Mateo 5:43, 44.

Lesa witufunjisha’mba tumwenemo byawama. Kechi kyapela kuchinuzhuka byatama kimye kyonse ne. Kupichila mu kukwashiwa kwi Yehoba ne Bakamonyi banji, mwakonsha kuchinuzhuka bintu bibula kutokesha Lesa pa muchima.—Isaya 48:17; Filipai 4:13; Bahebelu 10:24, 25.