MUTWE WA PA NKUPIKO: NANCHI KUJIPO BUPOPWESHI BO MWAKONSHA KUKETEKELA NYI?

Mambo ka a Kukebela Kuyuka Bulongo Bupopweshi Botujimo?

Twambe’mba babena kukeba kwimutumbula na mambo a kikola kyabaya. Mwafwainwa kuketekela dokotala ubena kwimutumbula mambo bumi bwenu bwashakamina pe aye. Nanchi kechi kyakonsha kuwama kuyuka myaka yo aingila mu yewo mwingilo ne nyi?

Kyo kimotu ne bupopweshi, kyanema kuyuka byo buji. Umvwe kya kuba’mba muji na bupopweshi ko muya, ko kuba’mba bumi bwenu bwa kulutwe bwaimena pa bobo bupopweshi. Kino kyavwangamo ne lupulukilo lwenu lwa kulutwe.

Yesu waambile pa kishinka kyakonsha kwitukwasha kuyuka umvwe bupopweshi bwetu bwa kine. Waambile’mba: “Kichi kyonse bekiyukila ku bipangwa byakyo.” (Luka 6:44) Umvwe kya kuba’mba mwalanguluka pa bupopweshi, ñanyi bipangwa bijimo byo mumona? Nanchi bantangi ba mu bupopweshi batatu muchima pa mali nyi? Nanchi bantu bajimo balondela byamba Baibolo pa byubilo byawama nyi? Nanchi kujipo bupopweshi bomwakonsha kuketekela nyi? Monai mitwe yalondelapo.

[Mabulañano pa peja 3]

“Kichi kyonse bekiyukila ku bipangwa byakyo.”—Luka 6:44