Bya Kwamba pa Kushajika Magazini

Kyamba kya Usopa Apr.1

“Kumvwa kupelelwa, bukaji ne kusuulwa, bino byonse twakonshatu kwibyumvwisha umvwe twachinchika lumanamo nangwa kumona mutemwe wetu saka amanama. Nanchi mwakiumvwapo kala mu jino jishinda nyi? [Lekai akumbule] Monai kino kinembelo byo kyalumbulula Lesa byoeumvwa ne byoobapo umvwe waumvwa kujilakana kwa bantu bamanyikwa. [Tangai Kulupuka 3:7, 8a.] Mu kino kibaba muji byambo bikosesha luketekelo lwetu mwi Lesa, kuyuka’mba upokolola bantu banji.”

Kyamba kya Usopa Apr.1

“Ano moba, bantu babena kuba bintu byo bakonsheshe kuchinuzhuka myaka ya kunyuma kwe, byubilo byatama byo bakanya mu Byambo bya Lesa kabiji byamonwanga amba bya bunya. Twakonsha kuba byepi pa kuba’mba tukane byubilo byatama? [Lekai akumbule, apa bino mutange Bahebelu 2:1.] Byo tuji bambulwakoloka, tukebewa lutangijilo lwawama kuba’mba tuchinuzhuke byubilo byatama bya ino ntanda.”

Kyamba kya Usopa Apr.1

“Byambotu bicheche bya mu Baibolo bya londolola kayukilo ka lukinyama mu jishinda ja kukumya, byalengela bantu kutendeka kwikifwanyikizha ku bintu byapusana pusana. Nanchi mwakikyumvwapo kala kino nyi? [Lekai akumbule, apa bino mutange Lumwekesho 13:16-18.] Baibolo ine yaamba bishinka bilumbulula mwatala kino kintu kyashupa kuyuka. Ino magazini yalondolola bino bishinka.”

Kyamba kya Usopa Apr.1

“Ntanda byo ibena kwalauka alauka, ne atweba twalauka mu misango yavula. Twaluka kufuma ku bwanyike kufika ku bukulumpe, kwikala na bunonshi nangwa kwibulusa, kwikala na butuntulu bwa mubiji nangwa kukolwakolwa, ne kufwishatu batemwe betu. Twakonsha kuba byepi pa kuba’mba tuchinchike? [Lekai akumbule, apa bino mutange Filipai 4:12, 13.] Na mambo a kwalauka alauka kwa uno musango kwakila bulume bwetu, umvwe twaketekela mwi Lesa, uketukwasha kuyuka byo twakosha kuchinchika. Mwakonsha kutundaikwa na byambo biji mu ino magazini.”