BYAFWAINWA KWIKALA BENA KILISHITU
Londelainga Bulongo mu Ngayo ya kwa Kilishitu
Yesu witushijile mwakulondela kikatakata inge tuji mu meseko nangwa inge babena kwitumanyika. (1Pe 2:21-23) Nangwa kya kuba Yesu bamwambijilenga mwenga ne kumumanyika, aye kechi washinkenye ne. (Mak 15:29-32) Ki ka kyamukwashishe kuchinchika? Mambo watele muchima pa kuba kyaswa muchima wa Yehoba. (Yoa 6:38) Watele muchima pa “lusekelo lo bamutujile kulutwe.”—Heb 12:2.
Tuba byepi inge ke betumanyike na mambo a lwitabilo lwetu? Bena Kilishitu ba kine kechi ‘bashinkanya kibi na kibi’ ne. (Lo 12:14, 17) Inge ke tuchinchike lumanamo byonka byachinchikile Kilishitu, twafwainwa kusekelanga mambo Yehoba witutala bulongo.—Mat 5:10-12; 1Pe 4:12-14.
TAMBAI VIDYO WA KUBA’MBA JIZHINA JA YEHOBA JANEMA KUKILA BINTU BYONSE, APA BINO MUKUMBULE MEPUZHO ALONDELAPO:
Nyenga Pötzingera waingijishanga byepi bulongo kimye byo ajinga mu kaleya?
Ñanyi bintu byachinchikile Mulongo ne Nyenga Pötzinger byo bajinga mu kaleya?
Ki ka kibakwashishe kuchinchika?
Londelainga bulongo mu ngayo ya kwa Kilishitu inge babena kwimumanyika
a Jino jizhina jakonsha ne kunembwa’mba Poetzinger.