Kuwamishako Busendwe Bwetu bwa Kusapwila—Kukwasha Baji na “Michima ya Bukishinka” Kwikala Baana ba Bwanga

ENE MAMBO O KWANEMENA: Yehoba ulengela nkunwa ya bukine kukoma mu bantu baji na “michima ya bukishinka ya kukeba bumi bwa myaka ne myaka.” (By 13:48; 1Ko 3:7) Twingijila pamo ne Lesa inge ke tute muchima pa kukwasha boba balondela byo babena kufunda mu bwikalo bwabo. (1Ko 9:26) Bantu bo tufunjisha Baibolo bafwainwa kuyuka amba lubatizhilo lwa bena Kilishitu lwanema bingi pa kuba’mba muntu akapuluke. (1Pe 3:21) Twibakwasha kwikala baana ba bwanga inge twibafunjisha kupimpula bwikalo bwabo, kusapwila ne kufunjisha ne kwibakwasha kwipana kwi Yehoba.—Mat 28:19, 20.

BYA KUBA:

• Kwashai bantu bo mufunjisha Baibolo kuba’mba kufunda pe Yehoba ko kukebakwasha ‘kumuyuka’ bulongo ne kumutokesha ku muchima.—Yoa 17:3

• Bakwashai kusankilapo byubilo byatama ne kuleka kupwañana na bakwabo baji na byubilo byatama pa kuba’mba bayilengako palutwe

• Bakoseshainga ne kwibatundaika saka bakyangye kubatizhiwa ne panyuma ya kubatizhiwa.—By 14:22

TAMBAI VIDYO WA KUBA’MBA, YEHOBA UKEMUKWASHA, APA BINO MUKUMBULE ANO MEPUZHO:

• Ñanyi bintu bimo byakonsha kulengela muntu kukankazhama kwipana ne kubatizhiwa?

• Bakulumpe mu kipwilo bakonsha kukwasha byepi bantu bo tufunjisha Baibolo kuyilako palutwe?

• Kinembelo kya Isaya 41:10 kitufunjishapo ka pe Yehoba?

• Ñanyi byubilo bilengela Yehoba kuswa kumwingijila nangwa kya kuba twi bambulwa kulumbuluka?