Yesu Ukapwisha Bumbanzhi

Yesu wayuka byo kyumvwanyika kumanama na mambo a bumbanzhi ne nshiji. Bamubepejile, kumupuma, kumutotolwesha pa kubula mambo ne kumufwisha na mambo kya nshiji, kabiji bamumanyikile bingi pa kumwipaya. Nangwa kya kuba kechi walengelepo mambo ne, waswile kupana “bumi bwanji kwikala bukuzhi bwa kukuula bavula.” (Mateo 20:28; Yoano 15:13) Byo aji Mfumu wa Bufumu bwa Lesa, katatakatu akalete buchibamambo bwaoloka pano pa ntanda ponse ne kupwisha bumbanzhi kikupu.—Isaya 42:3.

Baibolo walumbulula bintu byo bikekala umvwe Yesu watendeka kulama. Waamba’mba:

• “Babi kechi bakekalako ne; ukatajisha po baikalanga, kabiji kechi bakekalapo ne. Pakuba bakimote bakaswana ntanda, kabiji bakasangalelanga mu kuvula kwa mutende.”—Salamo 37:10, 11.

Twafwainwa kumwesha byepi kusanta pa bintu byonse bitubila Yesu ne pa byo aketubila kulutwe? Jishinda jimo jo twafwainwa kumwesheshamo kusanta ke kufunda “mambo awama a Bufumu bwa Lesa” Yesu o asapwijilengapo. (Luka 4:43) Tangai kibaaba kya kuba’mba “Bufumu bwa Lesa bo bu ka?”