Sam

125 Di wan dɛn we abop pan Jiova

Tan lɛk Mawnt Zayɔn we nɔ de shek;

Bɔt i go de sote go.

 2 Jɔs lɛk aw mawntin dɛn de rawnd Jerusɛlɛm,

Na so Jiova de rawnd in pipul dɛn

Frɔm naw ɛn sote go.

 3 Di wikɛd wan* nɔ go kɔntinyu fɔ rul di wan we de du wetin rayt,

So dat di wan we de du wetin rayt nɔ go bigin fɔ du wetin bad.

 4 E Jiova, duya du gud to di wan dɛn we gud,

Ɛn to di wan dɛn we de du wetin rayt.

 5 Bɔt Jiova go pɔnish di wan dɛn we de pan bɛnbɛn

Wit di wan dɛn we de du bad.