Sam
To di wan we de dayrɛkt. Devid in siŋ.
21 E Jiova, di kiŋ de gladi bikɔs ɔf yu trɛnk;
I gladi pasmak bikɔs yu de sev am!
2 Yu dɔn gi am ɔl wetin i want,
Ɛn yu dɔn gi am ɔl wetin i aks fɔ.
3 Yu dɔn gi am bɔku bɔku blɛsin;
Yu dɔn put krawn we dɛn mek wit fayn* gold na in ed.
4 I aks yu fɔ gi am layf, ɛn yu gi am;
Yu gi am layf we go de sote go.
5 Di sev we yu dɔn sev am mek i gɛt glori.
Yu gi am ɔnɔ ɛn mek i gret.
6 Yu dɔn blɛs am sote go;
Yu mek i gladi fɔ de bifo yu.
7 Di kiŋ abop pan Jiova;
Bikɔs di Wan We De Pantap Ɔlman in lɔv nɔ de chenj, natin nɔ de shek am.
8 Yu an go fɛn ɔl yu ɛnimi dɛn;
Yu raytan go fɛn di wan we et yu.
9 Yu go mek dɛn tan lɛk big big faya
We di rayt tɛm rich we yu go pe atɛnshɔn to dɛn.
Jiova go dɔnawe wit dɛn we i vɛks, ɛn faya go bɔn dɛn.
10 Yu go dɔnawe wit dɛn pikin dɛn,
Ɛn dɛn pikin dɛn nɔ go de na di wɔl igen.
11 Dɛn bin want fɔ du bad tin to yu;
Di plan dɛn we dɛn mek nɔ go kɔmɔt fayn.
13 E Jiova, duya grap ɛn sho se yu gɛt trɛnk.
Wi go siŋ fɔ prez* di we aw yu pawaful.