Sam

To di wan we de dayrɛkt. Maskil.* Na Devid rayt am di tɛm we Doɛg we na Idɔmayt kam tɛl Sɔl se Devid bin dɔn go na Aimilɛk in os.

52 Yu we pawaful, wetin mek yu de bost bɔt di bad tin dɛn we yu de du?

Gɔd in lɔv we nɔ de chenj kin de ol de.

2 Yu mɔt shap lɛk rezɔ bled,

Yu de plan bad tin dɛn ɛn ful pipul dɛn.

3 Yu lɛk bad pas gud,

Yu lɛk fɔ lay pas fɔ tɔk wetin rayt. (Sila)

4 E yu we de lay,

Yu lɛk ɛni wɔd we bad!

5 Na dat mek Gɔd go ib yu dɔŋ, ɛn yu nɔ go grap igen;

I go tek yu ɛn drɛg yu kɔmɔt na yu tɛnt;

I go dɔnawe wit yu, ɛn yu nɔ go de wit pipul dɛn we de alayv. (Sila)

6 Di wan dɛn we de du wetin rayt go si ɛn wɔnda,

Ɛn dɛn go laf am. Dɛn go se:

7 “Dis man nɔ bin mek Gɔd protɛkt am,

I bin abop pan in bɔku bɔku jɛntri

Ɛn pan di bad plan dɛn we i gɛt.”

8 Bɔt a go tan lɛk ɔliv stik we de gro fayn na Gɔd in os;

A abop pan Gɔd in lɔv we nɔ de chenj sote go.

9 A go prez yu sote go bikɔs yu dɔn du sɔntin;

Bifo di wan dɛn we nɔ de kɔmɔt biɛn yu,

A go abop pan yu nem, bikɔs i gud.