Sam
To di wan we de dayrɛkt; dɛn fɔ siŋ am wit myuzik instrumɛnt we gɛt string we tyun to Shɛminit.* Devid in siŋ.
6 E Jiova, nɔ kɔrɛkt mi we yu vɛks,
Ɛn nɔ kɔrɛkt mi we yu at wam.
2 E Jiova, sɔri fɔ mi, bikɔs a dɔn bigin fɔ wik.
E Jiova, mɛn mi, bikɔs mi bon dɛn de trimbul.
3 Fɔ tru, a de wɔri pasmak;
E Jiova, a aks yu, aw lɔng dis go las?
4 E Jiova, kam bak ɛn sev mi;
Sev mi bikɔs ɔf yu lɔv we nɔ de chenj.
6 A dɔn rili taya wit di pini we a de pini;
Ol nɛt a de sok mi bed wit kray wata;*
A dɔn sok ɔlsay na di chia we a de ledɔm pan wit kray wata.
7 Mi pwɛlat dɔn mek mi yay dɛn wik;
A nɔ de si fayn* bikɔs ɔf ɔl di wan dɛn we de sɔprɛs mi.
8 Una kɔmɔt nia mi, una ɔl we de du wikɛd tin dɛn,
Bikɔs Jiova go yɛri di kray we a de kray.
9 Jiova go yɛri di beg we a de beg am fɔ sɔri fɔ mi;
Jiova go ansa mi prea.
10 Ɔl mi ɛnimi dɛn go shem, ɛn dɛn at go pwɛl;
Dɛn go tɔn bak kwik kwik wan wit disgres.