Sam

85 E Jiova, yu dɔn du gud to di pipul dɛn na yu land;

Yu dɔn briŋ bak Jekɔp in pikin dɛn we dɛn bin kapchɔ.

 2 Yu dɔn fɔgiv yu pipul dɛn mistek;

Yu dɔn wep* ɔl dɛn sin. (Sila)

 3 Yu nɔ pul ɛni wamat pan dɛn;

Yu nɔ pul yu vɛksteshɔn pan dɛn.

 4 E Gɔd we de sev wi, gɛda wi bak

Ɛn fɔgɛt bɔt di vɛks we yu vɛks pan wi.

 6 Yu nɔ go gi wi trɛnk bak

So dat yu pipul dɛn go gladi bikɔs ɔf yu?

 7 E Jiova, sho wi yu lɔv we nɔ de chenj

Ɛn sev wi.

 8 A go lisin to wetin di tru Gɔd Jiova se,

Bikɔs i go tɔk bɔt pis to in pipul dɛn,

To di wan dɛn we nɔ de kɔmɔt biɛn am,

 9 Fɔ tru, i nɔ go te, i go sev di wan dɛn we de fred am,

So dat in glori go de na wi land.

10 Lɔv we nɔ de chenj ɛn fetfulnɛs go mit togɛda;

Pis ɛn fɔ du wetin rayt go kis dɛnsɛf.

11 Fetfulnɛs go bɔs na grɔn,

Ɛn fɔ du wetin rayt go luk dɔŋ frɔm ɛvin.

12 Fɔ tru, Jiova go gi wetin gud,

Ɛn wi go avɛst wetin wi plant na wi land.

13 Fɔ du wetin rayt go waka bifo am

Ɛn mek rod fɔ in fut.