Sɔlɔmɔn in Siŋ

Yu ia tan lɛk got dɛn

We de kam dɔŋ di mawntin dɛn na Giliad.

 2 Yu tit dɛn tan lɛk ship dɛn we dɛn jɔs shev dɛn ia

Ɛn we dɛn jɔs dɔn was,

Dɛn ɔl de bɔn twin dɛn,

Ɛn nɔn pan dɛn nɔ lɔs dɛn pikin.

 3 Yu lip dɛn tan lɛk brayt rɛd trɛd,

Di wɔd dɛn we yu de tɔk de mek pɔsin gladi.

Yu jɔ* dɛn we de biɛn yu vel

Tan lɛk af pomegranet.

 4 Yu nɛk tan lɛk Devid in tawa

We dɛn bil wit ston dɛn we de bay ro

Ɛn wan tawzin shild dɛn ɛng de,

Ɔl di trɛnkman dɛn rawnd shild dɛn.

 5 Yu tu bɔbi dɛn tan lɛk tu yɔŋ gezɛl* dɛn,

Di twin dɛn we gezɛl bɔn,

We de it usay lili* flawa dɛn de.”

 6 “Bifo di briz bigin fɔ blo ɛn di shado dɛn lɔs,

A go go na di mawntin usay ma de

Ɛn na di il usay frankinsɛns* de.”

 7 “Mi lɔv, yu rili fayn,

Yu nɔ gɛt wan bɔt.

 8 Mi yawo, lɛ wi kɔmɔt na Libanɔn,

Lɛ wi kɔmɔt na Libanɔn.

Lɛ wi kɔmɔt ɔp Amena ɛn go dɔŋ,

Lɛ wi kɔmɔt ɔp Sini ɛn go dɔŋ, ɔp Amɔn ɛn go dɔŋ,

Lɛ wi kɔmɔt na di ples dɛn usay layɔn dɛn de liv,

 9 Mi sista, mi yawo, yu dɔn kapchɔ mi at,

Yu luk mi wantɛm nɔmɔ yu kapchɔ mi at,

Wit wan pan yu lɔkɛt dɛn na yu chen yu kapchɔ mi at.

Di tin dɛn we yu de du fɔ sho se yu lɛk mi bɛtɛ pas wayn fa fawe,

Ɛn di sɛnt we yu pafyum de pul fayn pas ɛni spays!

Ɔni ɛn milk de ɔnda yu tɔŋ,

Ɛn di sɛnt we yu klos dɛn gɛt tan lɛk di sɛnt we de na Libanɔn.

12 Mi sista, mi yawo, tan lɛk gadin we lɔk,

Na gadin we lɔk, na spriŋ wata* we lɔk.

13 Yu tan lɛk tik dɛn na gadin we dɛn branch* dɛn ful-ɔp wit pomegranet,

Wit di bɛst frut dɛn, wit lali,* spayknad* plant dɛn,

14 Spayknad, safrɔn, ken* plant, sinamɔn,

Wit ɔlkayn frankinsɛns tik dɛn, ma, alo* dɛn,

Wit ɔl di pafyum dɛn we fayn pas ɔl.

15 Yu na spriŋ wata na gadin, wɛl wata we frɛsh,

Yu na watasay we de kɔmɔt frɔm Libanɔn.

16 E di briz we de blo frɔm di nɔt, wek;

E di briz we de blo frɔm di sawt, kam.

“Lɛ di wan we a lɛk kam insay in gadin

Ɛn it di bɛst frut dɛn.”