Sho Se Yu Lɛk Gɔd

Fɔ mek yu ɛn yu padi las, yu fɔ de tɔk to am. Yu fɔ lisin to am, ɛn i fɔ lisin to yu. Yu fɔ tɔk gud tin bɔt yu padi to ɔda pipul dɛn. Na di sem tin yu fɔ du we yu want bi Gɔd in padi. Lɛ wi si wetin di Baybul se bɔt dis:

Pre to Jiova ɔltɛm. “Una fɔ de pre ɔltɛm.”—Lɛta Fɔ Rom 12:12.

Rid Gɔd in Wɔd, di Baybul. “Na Gɔd tɛl pipul ɔltin we rayt na in Buk, ɛn ɔl dɛn tin de gud fɔ mek pipul lan di tru tin, fɔ mek dɛn no dɛn tin we dɛn de du we nɔ rayt, fɔ mek dɛn wan we nɔ de du rayt bigin du wetin rayt.”—Sɛkɛn Lɛta To Timoti 3:16.

Tich ɔda pipul dɛn bɔt Gɔd. “Una go ɔlɔbɔt na di wɔl ɛn mek di pipul dɛn bi mi lanin bɔy dɛn; . . . Una lan dɛn fɔ du ɔl wetin a dɔn tɛl una.”—Matyu 28:19, 20.

Go nia Gɔd in padi dɛn. “Udat de rakpala [kip kɔmpin] wit pipul we gɛt sɛns de gɛt sɛns.”—Prɔvabs 13:20.

Na fɔ de go mitin na Kiŋdɔm Ɔl. “Una lɛ wi tink aw wi go ɛp wisɛf mek wi go lɛk wi kɔmpin dɛn ɛn du gud to dɛn. . . . Lɛ wi de kɔrej wi kɔmpin dɛn.”—Di Ibru Pipul Dɛn 10:24, 25.

Sɔpɔt Gɔd in wok. “So ɔlman fɔ gi wetin i mek ɔp fɔ gi, i nɔ fɔ sɔri ɛn i nɔ fɔ jɛs gi nɔmɔ bikɔs dɛn fos am fɔ gi; Gɔd lɛk pɔsin we gladi fɔ gi wetin i de gi.”—Sɛkɛn Lɛta Fɔ Kɔrint 9:7.