Sho se Yu Biliv Wetin Yu De Tɔk

Fɔs Lɛta Fɔ Tɛsalonayka 1:​5

WETIN FƆ DU: Sho se yu rili biliv se di tin we yu de tɔk na tru ɛn i impɔtant.

AW FƆ DU AM:

• Pripia gud gud wan. Stɔdi di matirial te yu ɔndastand wetin na di men pɔynt dɛn ɛn aw di Baybul de sɔpɔt dɛn. Tray fɔ ɛksplen di men pɔynt dɛn simpul wan. Pe atɛnshɔn pan aw dɛn pɔynt dɛn de go ɛp di wan dɛn we go lisin. Pre fɔ oli spirit.

• Yuz wɔd dɛn we go sho se yu biliv wetin yu de tɔk. Nɔ jɔs rid di wɔd dɛn we de na di buk, bifo dat, tɔk am yu yon we. Pik di wɔd dɛn we de sho se yu biliv wetin yu de tɔk.

• Tɔk frɔm yu at. Tɔk di we we ɔlman go yɛri. Yu kin wach di pipul dɛn we yu de tɔk to if i nɔ bad fɔ du dat.