Tɔk Gud Tin ɛn Ɛnkɔrej Pipul Dɛn

Job 16:​5

WETIN FƆ DU: Nɔ pe atɛnshɔn pan prɔblɛm dɛn. Bifo dat, pe atɛnshɔn pan tin dɛn we go sɔlv di prɔblɛm dɛn ɛn we go ɛnkɔrej di pipul dɛn.

AW FƆ DU AM:

• Nɔ tink bad bɔt di wan dɛn we de lisin to yu. Na fɔ biliv se yu brɔda ɛn sista dɛn want fɔ du wetin Jiova want. Pan ɔl we yu de tɛl dɛn wetin fɔ du, tɛl dɛn tɛnki fɔs fɔ ɛni gud tin we dɛn du.

• Nɔ tɔk tumɔs bɔt bad tin dɛn. Yu go tɔk bɔt bad tin dɛn nɔmɔ if nid de fɔ du dat. Ɔl wetin yu de tɔk bɔt fɔ bi tin dɛn we go ɛnkɔrej dɛn.

• Yuz Gɔd in Wɔd fayn fayn wan. Mek lɛ di pipul dɛn pe atɛnshɔn pan wetin Jiova dɔn du, wetin i de du naw, ɛn wetin i gɛt fɔ du fɔ mɔtalman. Ɛnkɔrej ɛn ɛp di wan dɛn we de lisin to yu.