Atikul dɛn we De Insay Dis Magazin

Sɔm tɛm dɛn de we wi de prich, pipul dɛn kin aks wi kwɛstyɔn dɛn we kin tranga fɔ ansa. Insay di fɔs atikul, wi go lan bɔt tri we dɛn we wi go yuz fɔ gi fayn ansa dɛn we go ɛp pɔsin fɔ biliv ɛn want fɔ no mɔ. (Kɔl. 4:6) Di sɛkɔn atikul, go sho wi aw Jizɔs in wɔd na Matyu 7:12 go ɛp wi we wi de prich.

Jiova kin ɔganayz in savant dɛn ɔltɛm. Insay dɛn tu atikul ya, wi go lan wetin Gɔd want mek in pipul dɛn du. Wi go lan bak wetin mek i impɔtant fɔ kɔntinyu fɔ du ɔl wetin di pat pan Jiova in ɔganayzeshɔn we de na dis wɔl, want wi fɔ du.