Tɔk Sɔntin we Pipul dɛn Go Want fɔ No Bɔt

Wetin Jizɔs Bin Du?

VIDIO: Jizɔs ɛn di Uman na di Wɛl

1. Wach di VIDIO, ɔ rid Jɔn 4:​6-9. Dɔn tink bɔt dɛn kwɛstyɔn dɛn ya:

1. Wetin Jizɔs bin notis bɔt di uman bifo i stat fɔ tɔk to am?

2. Jizɔs tɔk se: “Gi mi wata mek a drink.” Wetin mek dis na bin fayn we fɔ stat fɔ tɔk?

Wetin Wi Lan Frɔm Jizɔs?

2. I go izi fɔ mek wi tɔk fayn to pɔsin if wi stat fɔ tɔk bɔt sɔntin we i want fɔ no bɔt.

Falamakata Jizɔs

3. Rɛdi fɔ ajɔst. Nɔ se paopa yu fɔ tɔk wetin yu dɔn pripia. Stat fɔ tɔk bɔt sɔntin we ɔda pipul dɛn de tink bɔt. Aks yusɛf:

1. ‘Wetin de na di nyuz?’

2. ‘Wetin mi neba, wokmet, ɔ klasmet dɛn de tɔk bɔt?’

4. Wach wetin de arawnd. Aks yusɛf:

1. ‘Wetin di pɔsin de du rayt naw? Wetin i go de tink bɔt?’

2. ‘Wetin di pɔsin in klos, di we aw i luk, ɔ in os de tɛl mi bɔt in kɔlchɔ ɔ wetin i biliv?’

3. ‘Dis na fayn tɛm fɔ tɔk to di pɔsin?’

5. Lisin.

1. Nɔ tɔk bɔku.

2. Ɛnkɔrej di pɔsin fɔ tɔk aw i de fil. Aks kwɛstyɔn dɛn we di rayt tɛm rich.