Lɛ Wi Tray fɔ Du Dis we Wi De Prich—Stat di Tɔk fɔ Mek Yu Ebul Prich to Pɔsin Ɔdasay Apat Frɔm Os to Os

Wetin Mek Dis Impɔtant? Bɔku tɛm we wi kin prich frɔm os to os, wi nɔ kin mit bɔku pipul dɛn na os. Bɔt wi kin ebul fɔ mit dɛn insay transpɔt, we wi de wet fɔ si dɔktɔ, we wi gɛt lɔnch na wokples ɔ na skul, ɛn bɔku ɔdasay dɛn. Jiova want mek ɔlman yɛri di gud nyus bɔt in Kiŋdɔm. (1 Tim. 2:3, 4) Bɔku tɛm, fɔ mek wi go ebul fɔ prich, na wi kin nid fɔ bigin fɔ tɔk to dɛn.