Tek Tɛm Tɔk

Prinsipul: “Una fɔ de tɔk gud wɔd dɛn ɔltɛm.”—Kol. 4:6.

Wetin Pɔl Bin Du?

Apɔsul Pɔl de tɔk fɔ kɔnvins di pipul dɛn na Atɛns.

VIDIO: Pɔl Prich to di Pipul dɛn na Atɛns

1. Wach di VIDIO, ɔ rid Akt 17:22, 23. Dɔn tink bɔt dɛn kwɛstyɔn dɛn ya:

Aw Pɔl bin fil bɔt di lay lay wɔship we i bin si na Atɛns?—Luk Akt 17:16.
Bifo Pɔl kɔndɛm di Atɛnian dɛn, aw i bin tek tɛm yuz wetin dɛn biliv fɔ tɔk bɔt di gud nyuz?

Wetin Wi Lan Frɔm Pɔl?

2. I go izi mɔ fɔ mek pipul dɛn lisin to wi if wi tek tɛm pik wetin wi de tɔk, aw wi de tɔk, ɛn ustɛm wi fɔ tɔk.

Falamakata Pɔl

3. Tek tɛm pik wetin yu de tɔk. Fɔ ɛgzampul, we yu de tɔk to pɔsin we nɔto Kristian, sɔntɛm yu go nid fɔ chenj di we aw yu go tɔk bɔt di Baybul ɔ Jizɔs.

4. Nɔ kɔrɛkt pɔsin kwik kwik wan. Alaw di pɔsin fɔ tɔk aw i de fil. If i se sɔntin we nɔ gri wit di Baybul, nɔ agyu wit am. (Jems 1:19) We yu lisin to am, yu go no wetin mek i de tink da we de.—Prɔv. 20:5.

5. Tray fɔ fɛn sɔntin frɔm wetin di pɔsin tɔk we yusɛf gri wit ɛn tɛl am tɛnki. Sɔntɛm i go rili tink se di tin dɛn we i biliv kɔrɛkt. Tray fɔ tɔk bɔt sɔntin we una ɔl tu gri wit, ɛn smɔl smɔl ɛp am fɔ ɔndastand wetin di Baybul de tich.

LUK BAK

Prɔv. 25:15; 2 Tim. 2:23-26; 1 Pit. 3:15