Tray fɔ Lan Nyu Tin dɛn we Yu De Stɔdi

As wi de pripia fɔ stɔdi, sɔntɛm wi kin aks wisɛf, ‘Wetin a de ɛkspɛkt fɔ lan?’ Bɔt wi fɔ tek tɛm mek wi nɔ alaw di tin dɛn we wi de ɛkspɛkt fɔ lan fɔ mek wi nɔ pe atɛnshɔn to wetin Jiova de tich wi. Aw wi go ebul fɔ lisin to wetin Jiova de tray fɔ tich wi?

Pre fɔ sɛns. Pre to Jiova ɛn beg am fɔ ɛp yu fɔ ɔndastand wetin i want mek yu lan naw. (Jems 1:5) Nɔ jɔs abop pan wetin yu bin dɔn ɔndastand trade.​—Prɔv. 3:5, 6.

Alaw di pawa we Gɔd in Wɔd gɛt fɔ wok na yu layf. “Gɔd in wɔd de alayv.” (Ibru. 4:12) Gɔd in “wɔd” we de alayv kin afɛkt wi difrɛn we dɛn ɛnitɛm we wi rid di Baybul, bɔt dat go apin nɔmɔ if wi gri se tin dɛn de we wi nɔ sabi, ɛn na frɔm Gɔd in Wɔd wi go lan dɛn.

Sho se yu gɛt tɛnki fɔ ɔl di gud tin dɛn we Jiova de yuz fɔ tich wi. Di spirichwal it we Jiova de gi wi tan lɛk “pati usay rich rich it dɛn de.” (Ayz. 25:6) Avɔyd fɔ pik ɛn chuz “it dɛn” we yu nɔ de ɛkspɛkt fɔ ɛnjɔy. Yu nɔ go jɔs bɛnifit, bɔt yu go rili ɛnjɔy fɔ stɔdi Gɔd in Wɔd.