Sam
115 Oo Chɛhowa, o cho naa le nɔ miŋ sɔla saŋgalaa le,
Kɛ diola numndaŋ la nɔ ni mi la sɔla saŋgalaa,+
Le sabu kaala lo lechoo numndo a tonya numndo.+
2 Le yɛɛnɛ ma chɛl mi waŋnda o lɛŋnde niŋ dimi aa:
“Kuɛɛnɛ Mɛlɛka ndaa cho yɛ?”+
3 O choo choo niŋ Mɛlɛka naa cho ni.
Nyɛ o nyɛ o hɛnaŋ pɛ, ndu o tosa ni.
4 Piɔmaa ndaa, wanachioo toosiaa nda a laba ni.
A kanii humbuei vɛlɛ a kooliiye o toosiaa nda ni.+
5 A nɔ sondoo, kɛ a nɔla ma soo le.+
A nɔ hɔltaŋ, kɛ a nɔla ma che le.
6 A nɔ nilaŋ, kɛ a nɔla ma tuei le.
A nɔ miŋndaŋ, kɛ a tuii nyɛ chuŋ te.
7 A nɔ balaŋ, kɛ a tiuba ma saa nyɛ le.
A nɔ peloŋ, kɛ a tiuba ma kuɛ le.+
Diom o diom nɔla mbo fula nda o labolo le.+
9 Oo Isɔluɛi, tiindaŋ Chɛhowa.+
Ndu cho wana mala num ndo ni vɛlɛ a boo num chɔuwo.+
10 Nya yuŋgu Elɔŋ ndo,+ la tiindaŋ Chɛhowa.
Ndu cho wana mala nya wo ni vɛlɛ a boo nya chɔuwo.
11 Nya wanaa nɔ siooŋii Chɛhowa ve wa, la tiindaŋ Chɛhowa.+
Ndu cho wana mala nya wo ni vɛlɛ a boo nya chɔuwo.+
12 Mi Chɛhowa loonuŋ a naa nduyɛ mbo dɔu naa sala.
O cho yuŋgu Isɔluɛi yo salaa dɔwɔɔ,+
Nduyɛ mbo dɔu yuŋgu Elɔŋ ndo sala.
13 Chɛhowa cho wanaa nɔ siooŋii nduɛi ya salaa dɔwɔɔ,
Wana pɔmbɔ ni wana bɛndu ni.
16 Chɛhowa nɔ choo choo ni.+
Kɛ lɛŋndeŋ ndeŋ, chuauwaa ŋwaŋnda chiee o ke leŋ ni.+
18 Kɛ naa naa, ŋ cho Chɛhowa saŋgala,
Chɔŋ a hau mbo kuɛ le fɛɛŋ a fɛɛŋ.
La saŋgala Chɛhowa!*