Sam
I cho Chɛhowa saŋgala a yoomu nuu kpou.+
2 I cho Chɛhowa saŋgala haaa a yoomu nuu mɛɛlulaŋ.
Te I cho wɔ pɛ yoomu, I cho chondoŋ soli* le Mɛlɛka nuu saŋgalaa.
3 La duau tiindaŋndo o wanaa bɛnduaa niŋ te,
Kɛlɛŋgaa niŋ te wanachioo, o nɔla mbo piŋi wana le wo.+
4 Kanifuule mi yoomu ndɔɔ chuu, nduyɛ mbo miiŋgu o puuloo niŋ.+
O paale leŋ choo, mi yiyaŋnda ndɔlaŋ la mɛɛlu.+
5 Kɔl kɛndɔɔ cho le wana Mɛlɛka Chekɔpu wo cho wana ndɔ malaa wo,+
Wana dɔu hoo tiindaŋndo o Chɛhowa Mɛlɛka ndɔɔ niŋndo.+
6 Ndu toosiaa choo choo, lɛŋndeŋ,
Pee mɛŋma ihɛllo, vɛlɛ a nyɛ o nyɛ cho leniŋ ni.+
Le teleŋ o teleŋ, o cho wana wana nɔla ma tiindaŋ.+
Chɛhowa cho wanaa cho o biyɔɔ niŋnda malɔɔ.+
8 Chɛhowa cho wanaa sumɛiya hɔltaŋ kumbioo.+
Chɛhowa cho wanaa nyɛpalaa lɔɔ wa simioo.+
Chɛhowa kaala wanaa cho sakpo wa.
9 Chɛhowa cho mialla mandaa.
Mbo mala chuaambuaa nɔ ŋfinya le wa, a waŋ laanduaa vii piaanduaa wa.+
Kɛ, mbo tɛɛmbuu tuula wanaa dɛnɛ wɔɔŋnda.*+
10 Chɛhowa cho wa Masaa le fɛɛŋ a fɛɛŋ.+
Oo Saayɔŋ, Mɛlɛka numndo cho wa Masaa le fɛɛŋ a fɛɛŋ.
La saŋgala Chɛhowa!*