Sam
148 La saŋgala Chɛhowa!*
La saŋgala Chɛhowa o choo choo niŋ.+
La saŋgala ndu o fondaŋnda filioŋndaŋ.
2 Nya maalikɛiyaa nduaa kpou, la saŋgala ndu.+
Nya puaa nduaa chɔuwa kpou, la saŋgala ndu.+
3 Paaleŋ a paŋgei saŋgala ndu.
Looŋ cho diondɔɔ woŋ kpou saŋgala ndu.+
4 Fondaŋ filioŋ cho o choo choo niŋndo saŋgala ndu,
Nduyɛ mi mɛŋma cho o choo choo niŋndaŋ ma saŋgala ndu.
5 Maa nyɔɔŋ muŋ kpou saŋgala diola Chɛhowa laŋ.
Kanifuule ndu soo ni, miŋ toosiaŋ.+
7 La saŋgala Chɛhowa o lɛŋndeŋ choo.
Nya nyaa yoomaa kpaayaa bɛnduaa cho o pee mɛŋma ihɛllo niŋ a o peela yiŋgilɛilaŋ niŋnda kpou, la saŋgala ndu.
8 Num nyɛ ŋualalɛiyo a looŋ kpuŋgbaŋ, mɔm yuuyuuwo a yumbu yumbu piimiɛiyo,
Vɛlɛ a num hueiyii bɛnduii cho hɛnaŋ ndɔɔ tosaa ve, la saŋgala ndu.+
10 Nya visiaa yonduaa+ a visiaa chiee niŋnda kpou,
Nyaa yoomaa kua o demboo choo wa a youwaa nɔ bɔɔlaŋ nda, la saŋgala ndu.
11 Nya masaa o lɛŋndeŋ choo a kaalaŋ kpou,
Nya wanaa bɛnduaa a wanaa kialu yamaŋ o lɛŋndeŋ choo wa kpou, la saŋgala ndu.+
12 Nya chuaa piaanduaa a chuaa laanduaa,
Bɛnduaa yuuwa a feleŋguaa, la saŋgala ndu diompilɛ.
13 Maa nya kpou saŋgala diola Chɛhowa laŋ.
Kanifuule, diola ndɔlaŋ kinɛi la cho filioŋ ni.+
Tɔɔmayɛi nduɛi cho filioŋ mi i hiau lɛŋndeŋ a choo choo.+
14 O cho tosa mi kpaaya* wanaa nduaa chɔɔlu helɔɔ,
Le halikpeŋ mi wanaa nduaa chɔm lo lechoo wo wa,
Puaa Isɔluɛi, wanaa cho kpɛɛluŋ a ndu wa sɔla saŋgalaa.
La saŋgala Chɛhowa.*