Sam
Chondii Deeve ve.
24 Lɛŋndeŋ a nyɛ o nyɛ cho lechoo, Chɛhowa nɔ ni.+
Ndu koni nɔ lɛŋndeŋ vɛlɛ a wanaa cho lechoo wa ni.
2 Ndu chɔu lɛŋndeŋ o peela mɛŋma ihɛllaŋ choo ni,+
Nduyɛ mbo simi leŋ yi o peelaŋ choo.
3 O nɛɛnɛ tiu yɛ ba mbo hel o pembii Chɛhowa ve choo?+
Nduyɛ, o nɛɛnɛ tiu yɛ ba mbo sim o fondaŋ ndɔ diandaa?
4 Wana nɔ sɔŋ o sɔŋ te wo, nduyɛ mi kɔl ndɔɔ wa o diandaa wo.+
6 Oo Mɛlɛka Chekɔpu wo, nuaa wanaa cho num nuuviaa wa cho wa ni,
Wanaa cho num nuuviaa le ma mala nda wa. (Sila)
7 La heelu bolle, nya diola kpakilaŋ.+
La kumbiŋ, nya diola masindɛlaŋ,
Le halikpeŋ mi Masa tɔɔma bɛndoo luɛi!+
8 O nɛɛnɛ cho yɛ Masa tɔɔma bɛndu koŋ?
Ndu cho Chɛhowa, Mɛlɛka kpaaya bɛndoo ni.+
Chɛhowa nɔ kpaayaa tau le chɔuwo.+
9 La heelu bolle, nya diola kpakilaŋ.+
La kumbiŋ, nya diola masindɛlaŋ,
Le halikpeŋ mi Masa tɔɔma bɛndoo luɛi!
10 O nɛɛnɛ cho yɛ Masa tɔɔma bɛndu koŋ?
Chɛhowa, Mɛlɛka puaa chɔuwa* cho Masa tɔɔma bɛndu koŋ ni.+ (Sila)