Sam
O wana sim lachi le chondei yo lo. Chondii Deeve ve, buɛi Chɛhowa wo.
36 Hakioo cho wana dɛnɛ wɔɔŋndo o kɔllo niŋ di mbo wa suɛi.
Wana chi ndu isiooŋ o hɔl le Mɛlɛka le.+
2 Kanifuule, mbo kuundiaŋ ndupila tau tau.
Le hei, o nɔla lɛ mbo che biondɔŋ ndɔɔ nduyɛ mbo tul ndu leyɛ le.+
3 Sɔɔŋ wɔɔŋndoŋ a choolaŋ kinɛi fula ndu o sondo ni.
O chɔm sinapɛŋgu kɛ kɛ le nyɛ cho o kɛndɔɔ wo tosaa le.
4 O kpele ndɔɔ choo bɛɛ, sɔɔŋ wɔɔŋndoŋ kinɛi o kɛɛsiaŋ o kɔl le tosaa ni.
O sim le kɔlaŋ o nɛi wɔɔŋndo choo.
O fafaŋ sɔɔŋ wɔɔŋndoŋ tosaa le.
5 Oo Chɛhowa, kaala lo lechoo numndo fuuluu o choo choo niŋ di,+
Nduyɛ mi lo lechoo numndo fuuluu o yumbu yumboo niŋ.
6 Sakpoyɛi numnde cho ko maa pembuŋ tɔɔmaŋ bɛndoŋ.*+
Yamaŋ numndoŋ cho ko maa mɛŋma yiŋgilɛima bɛndu bɛnduaŋ.+
Oo Chɛhowa, num piŋi waŋnda chieeya a visiaa ni.+
7 Oo Mɛlɛka, nuawɔ se mɛɛ kaala lo lechoo numndo cho nyɛ sɔvɛ bɛndu yɛ!+
O wunduma kumbaŋnda numndaŋ bɛŋgu, chuauwaa ŋwaŋnda chiee viaŋnuŋ ni.+
8 Ma kol nyɛm kɛndɛŋ cho o chiɛi numndo niŋ ndoŋ ma hini kɔl,+
Nduyɛ ma tosa ma kol o pee num nɔ nyɛm kɛndɔŋ ndo.+
9 Num cho wana yɔŋgu yoomoo wo ni.+
Nduyɛ, nyɛ teŋgaa numndo tosa ni miŋ che nyɛ teŋgaa.+
10 Hiou lachi a wanaa sina num nda kaala lo lechoo numndo chɔmndo,+
Nduyɛ ma chɔm wanaa cho sakpo o kɔlta ndalaŋ niŋnda sakpoyɛi numnde.+
11 A yandii, chɛl mi pelii wana heelaŋndo nɛi ya le,
Ɔɔ mi ba wana dɛnɛ wɔɔŋndo tou ya le.
12 Tofawɔ naa wanaa dɛnɛ wɔɔŋnda del la.
A viɔl nda lɛŋ nduyɛ a nɔla chɔnɔŋndo le.+