Sam
O wana sim lachi le chondei yo lo. Chondii Deeve ve.
41 Kɔl kɛndɔɔ cho le wana tuiinuŋ wana bala fondoo nyiɛɛye wo.+
Chɛhowa cho ndu piŋi o paale kpundɛ leŋ choo.
2 Chɛhowa cho ndu manda, nduyɛ mbo wa achal.
Waŋnda cho sina maa wana kɔl kɛndɔɔ o cho o lɛŋndeŋ choo ni.+
Fɛɛŋ bɛɛ a mel niŋ ndu yaamɔɔwaa nduaa o ba le.+
3 Chɛhowa cho ndu mala teleŋ o cho wa ihini o kpele a naa wo.+
Teleŋ o cho wa ihini o kpele a naa kala kalaa wo, a cho ndu manda.
4 Mi dimi aa: “Oo Chɛhowa, tuiinuŋ ya inyiɛɛ.+
Siŋgi ya,+ kanifuule I tosa hakioo a num.”+
5 Kɛ wanaa dɛnɛ wɔɔŋnda cho sɔɔŋ wɔɔŋndoŋ dimioo a ya okɔɔ aa:
“Teleŋ kuɛɛ o cho yɛ wu ma puɛɛnuŋ a diola ndɔlaŋ?”
6 Te wana dɛnɛ wɔɔŋndo o pilɛ o nda tɛɛŋ hiŋ pɛ le ya chɔɔ, mbo dimi sɔɔŋ lachoowaŋ.
Mbo kɛɛsiaŋ suɛi wɔɔŋnde o kɔl le dimioo,
Okoŋ o fula, o kɔ tiu ndi ba o ba fee.
7 Wanaa tul la leyɛ wa kpou cho inyiimu nyiimuei ndapila tɛɛŋ.
A kɛɛsiaa le ya suɛi wɔɔŋnde tosallo, ma dimi aa:
8 “Kpundɛ bɛndoo kuumbuŋ ndu choo.
O cho talakiaa lɛŋ, o nɔla lɛ mbo chɛŋ te.”+
9 Wana naŋ wa o kɔl nyulu niŋ, mi yaa tiindaŋ ndu,+
10 Kɛ num Oo Chɛhowa, tuiinuŋ ya inyiɛɛ ma simi ya yi,
Le halikpeŋ mi miŋgul nda maa.
11 Le mi sina maa a hini kɔl a ya,
Mɛɛ mi che maa yaamɔɔnɔ nuu o nɔla mbo yem ya, nduyɛ mbo dɔɔnuŋ nyaale ya choo le.+
12 Kɛ ya ya, le mɛɛ ya chɔm lo lechoo wo yɛ, a cho ya manda.+
A cho ya num kɛsiŋ lachi le fɛɛŋ a fɛɛŋ.+
13 Maa Chɛhowa, Mɛlɛka Isɔluɛiya, sɔla saŋgalaa,
Le fɛɛŋ a fɛɛŋ fɔ!+
Amiina, Amiina.