Sam
Chondii Asafi ve.+
50 Chɛhowa, Mɛlɛka hiou mɛlɛkaa kpou wo+ soo.
O chuuŋgiaa waŋnda kpou o lɛŋndeŋ choo,
Chɔŋ ba paaleŋ le chaŋ ndo haaa ba le del lo.
2 Mɛlɛka yɔŋ nyɛ teŋgaa o Saayɔŋ niŋ, chiee kɛndɛ kɛndɛ bɛndoo.+
3 Mɛlɛka naa cho hunɔɔ nduyɛ mbo tosa nyɛ.+
5 “La chuuŋgiaŋ ya o hɔl, nya wanaa chɔm lo lechoo wo o ya lo wa.
Nya yii kpemaa a ya ni sanaa a salala nya soli laŋ.”+
6 Choo choo cho yondaa a sandii nduɛi okɔɔ,
Kanifuule Mɛlɛka pila cho Wana Kialaa Ŋyamaa ni.+ (Sila)
7 “Nya wanaa niaa, la yaŋ nilaŋ mi soo.
Nya waŋnda Isɔluɛi, I cho nya seileŋ timbul.+
Ya cho Mɛlɛka ni, Mɛlɛka nyaa.+
8 O cho le salala nyalaŋ,
Ɔɔ salala luamaala kpulukuula nya soli teleŋ o teleŋ ya lachi laŋ te ya miŋgi nya o nɛi le.+
10 Kanifuule visiaa yonduaa kpou ya nɔ nda ni,+
A cho bɛɛ o pembuŋ bɛndoŋ choo wa.
11 You kɛ kɛ cho o pemboŋ choo, I sina ndu.+
Nduyɛ visiaa yondoo niŋ kpou ya nɔ nda ni.
12 O yɔŋ bɛɛ mi yiaaŋ ma nɛi ya, I dimul nya le,
Kanifuule lɛŋndeŋ a nyɛ o nyɛ cho lechoo, ya nɔ ni.+
13 Baa I nɔ pa mi de visiŋ nauwaa towaa,
Ɔɔ mi kol kooma chuiŋnda?+
14 Chɔm balika melaa o Mɛlɛka numndo lo maa sala,+
Nduyɛ ma peelu buŋgaŋ ŋ chua woŋ o Mɛlɛka Hiou Kpou Wo lo.+
15 Te a wa pɛ o nyɛkindilaa bɛŋgu, veelu ya.+
I cho num soli leniŋ, okoŋ ma ke ya bɛɛleŋ.”+
16 Kɛ Mɛlɛka cho wana dɛnɛ wɔɔŋndo dimul aa:
18 Te a che pɛ viinɔɔ, a naŋ kɔl a ndu.*+
Nduyɛ, ma bii wanaa suundɛiya ichaŋya.
19 A cho sondo numndo soliŋndo kpeku le sɔɔŋ wɔɔŋndoŋ keeliaa,
Nduyɛ choolaŋ la hɔlnuŋ o diɔɔmule numndeŋ.+
20 Te a chal pɛ, a dimi sɔɔŋ wɔɔŋndoŋ a wanayɛi num ii kpeekpeiye okɔɔ.+
Nduyɛ, ma kei choolaŋ dimioo a wana nya fula kala pilɔɔ wo le ndu tɔɔ tɛɛmbuuwo.
21 Mɛɛ ŋ wa sɔɔŋ muŋ tosaa, mi meinuŋ doŋ.
Le hei, ma yiyaŋ maa I cho wa maa num.
Kɛ I cho num miŋgi o nɛi,
Nduyɛ mi chɔɔmuu sɔɔŋ wɔɔŋ ŋ tosa woŋ kpendekele.+
22 Nya puɛɛnuŋ haa a Mɛlɛka okɔɔ wa, a yandii la kɛsiŋ hei o lakɔl.+
Te o cho koŋ te, I cho nya sɛɛsiaa vee vee, wana o wana nɔla niŋ mbo piŋi nya le.
23 Wana chɔm pɛ balika melaa o ya lo maa sala, mɛɛ o saŋgala ya.+
Nduyɛ, wana cho hiouwɔɔ lachi a sɔɔŋ kɛndɔŋ tosaa wo,
Ya Mɛlɛka cho ndu piŋi.”+