Aisaya
61 Chɛhowa, Mɛlɛka Kpuluŋguma Bɛndoo, nyina ndɔɔ cho ya choo.+
Kanifuule, Chɛhowa pɔya ya le mi dimul wanaa tusiaŋnda yooŋgu kɛndɔɔ.+
O vem ya le mi yiu yiu pauvii wanaa cho a kɔlta tambɛilaŋ nda,
Mi baŋa wanaa cho o chɛleŋ niŋnda,
Nduyɛ mi kumbi wanaa cho o chiɛila manyumndaŋ niŋnda hɔltaŋ,+
2 Le mi yonda a wɔsi Chɛhowa cho waŋnda nyiɛɛye tuiinɔŋ ndo okɔɔ,
Vɛlɛ a paale Mɛlɛka naa cho hunɔɔ maa miŋgi leŋ,+
Nduyɛ mi dɛɛniaa wanaa cho a kɔlta tambɛilaŋ nda kpou kɔltaŋ.+
3 O vem ya le mi manda wanaa cho mɔnɛi biyɔɔ le Saayɔŋ nda,
Mi ke nda nyɛ nda handuŋ o lebol le naŋɔɔ wo sɔŋgɔ pultaŋ,
Chuɛima kɔl kɛndiaŋ sɔŋgɔ mɔnɛi biyɔɔ,
Nduyɛ mi ke nda nyɛ chuɛɛnaŋ tɔɔma bɛndoo sɔŋgɔ kɔl tambɛiyo.
4 A cho fondaŋnda tambu paandu laŋ miŋgi taŋgul,
Ma miŋgi fondaŋnda tambu o paandoo niŋndaŋ simi,+
Nduyɛ ma miŋgi chieeŋ bɛnduŋ tambu woŋ toosiaa,+
Fondaŋnda wa la tambɛi le teleŋ vilɛi laŋ.+
5 “Mialla cho chɔnɔŋ ma manda chɔluaa nyaa.
Nduyɛ, mialla+ cho wa wanaa nyaa walla o chiɔɔŋ nyaŋ niŋ a o kpelela nyala makilepiilaŋ niŋ ni.+
6 Kɛ nya nya, a cho nya veelu aa, wanaa soliaa lasalaa le Chɛhowa,+
Nduyɛ ma veelu nya aa, wanaa walla le Mɛlɛka naa.
Nyɛm fula o lɛŋnde niŋndoŋ nya cho wa dioo ni.+
Nduyɛ mi la kelu yoŋgaa a naŋɔɔ ndaa.*
7 La cho salaa sɔla bɛmbɔɔ le diiŋ sɔŋgɔ siɔmbulaŋ,
Okoŋ mi la deŋi a nyaaloo o nyɛm ndaŋ choo sɔŋgɔ bɛɛla tambɛilaŋ.
A tonya, wanaa niaa cho nyɛm kiɔɔŋ sɔla bɛmbɔɔ le diiŋ o lɛŋnde ndaleŋ niŋ.+
Nduyɛ, a wa niŋ a nyaale le fɛɛŋ a fɛɛŋ.+
8 Kanifuule ya Chɛhowa, I kaala sandei.+
I tul viileŋ a sakpoyɛi lepɛŋnde leyɛ.+
Wana o wana che nda pɛ,
O cho sina maa nda cho chuauwaa Chɛhowa dɔu salaa wa ni.”+
10 I cho nyaale dɔɔnɔŋ tau le Chɛhowa,
Nduyɛ mi dɔɔnuŋ nyaale le Mɛlɛka nuu a kɔl nuu kpou.+
Kanifuule, o wou ya nyɛ chuɛɛnaŋ piŋi ya wo.+