Nɔmbaa

26 Mɛɛ naa wɔɔŋndo pɔlul,+ mi Chɛhowa dimul Muuse nda Ɛlieesa, po Elɔŋ wana soliaa lasalaa aa: 2 “La chɔm waŋ piaanduaa kpou o Isɔluɛi niŋ a yuŋgula ndala leboltaŋ, chɔŋ wɔsilaŋ 20 haaa kɔ kɛ. Wana o wana suliŋ le kɔlaŋ o chɔuwo o Isɔluɛi niŋ, la chɔm nda kpou.”+ 3 Okoŋ, mi Muuse nda Ɛlieesa+ wana soliaa lasalaa suaa o nda lo o pollo niŋ Mowaabi,+ o Pioo Chɔɔdaŋ, Chɛluiko ikɛi.+ Ma dimul nda aa: 4 “La chɔm waŋnda chɔŋ wɔsilaŋ 20 haaa kɔ kɛ, a mɛɛ Chɛhowa dimul Muuse yɛ.”+

Nduyɛ, Isɔluɛi puaa nduaa fula o lɛŋnde Ichipi leŋ niŋnda cho haa ni: 5 Isɔluɛi po ndɔ tasoo wa Lubɛŋ ni.+ Yuŋgula puaa Lubɛŋ nda+ la cho laŋ ni: yuŋgu Hanɔki wo, yuŋgu Palu wo, 6 yuŋgu Hɛsilɔŋ ndo, a yuŋgu Kaami wo. 7 Yuŋgula puaa Lubɛŋ nda la wa laŋ ni. Nduyɛ wanaa nda poonyiaa diolaŋ nda, a wa kpou kpou 43,730.+

8 Palu po ndɔɔ wa Ɛliaabi ni. 9 Nduyɛ Ɛliaabi puaa nduaa cho haa ni: Nɛmuɛɛ, Detaŋ, a Abailuam. Detaŋ nda Abailuam wa wanaa ndaa hɛli Isɔluɛiya tɛɛŋ nda ni, le waa wanaa silaa. Nda a kunda Kolua wo+ latulu simul Muuse ni.+ Nduyɛ Chɛhowa ndaa simul koŋ ni.+

10 Mi lɛŋndeŋ le kumbiŋ,* mi le mial nda. Nduyɛ mi Kolua a wanaa wa ndu tooloo wa, ŋwaŋ 250 wu o yiŋndeŋ niŋ.+ Mi nyɛ yɔŋnuŋ nda wo simnuŋ tamasioo le acheleŋnda.+ 11 Kɛ Kolua puaa nduaa vi le.+

12 Yuŋgula puaa Simiɔŋ nda+ la cho laŋ ni: yuŋgu Nɛmuɛɛ wo, yuŋgu Chamiŋ ndo, yuŋgu Chakiŋ ndo, 13 yuŋgu Siluaa wo, a yuŋgu Siɔ wo. 14 Yuŋgula puaa Simiɔŋ nda la wa laŋ ni. Nduyɛ wanaa nda poonyiaa diolaŋ nda, a wa kpou kpou 22,200.+

15 Yuŋgula puaa Kaadi wa+ la cho laŋ ni: yuŋgu Sɛfɔŋ ndo, yuŋgu Hakiki wo, yuŋgu Suni wo, 16 yuŋgu Osini wo, yuŋgu Ɛlui wo, 17 yuŋgu Aluaadi wo, a yuŋgu Aluilai yo. 18 Yuŋgula puaa Kaadi wa la wa laŋ ni. Nduyɛ wanaa nda poonyiaa diolaŋ nda, a wa kpou kpou 40,500.+

19 Puaa Chuda wa+ cho haa ni: Ɛɛ nda Onaŋ.+ Kɛ mi Ɛɛ nda Onaŋ wu o lɛŋnde Kenaŋ ndeŋ niŋ.+ 20 Yuŋgula puaa Chuda wa la cho laŋ ni: yuŋgu Silua wo,+ yuŋgu Piluɛsi wo+ a yuŋgu Siluaa wo.+ 21 Yuŋgula puaa Piluɛsi wa la cho laŋ ni: yuŋgu Hɛsilɔŋ ndo+ a yuŋgu Hamu wo.+ 22 Yuŋgula puaa Chuda wa la wa laŋ ni. Nduyɛ wanaa nda poonyiaa diolaŋ nda, a wa kpou kpou 76,500.+

23 Yuŋgula puaa Isaka wa+ la cho laŋ ni: yuŋgu Tola wo,+ yuŋgu Puvaa wo, 24 yuŋgu Chasiubi wo, a yuŋgu Similɔŋ ndo. 25 Yuŋgula puaa Isaka wa la wa laŋ ni. Nduyɛ wanaa nda poonyiaa diolaŋ nda, a wa kpou kpou 64,300.+

26 Yuŋgula puaa Sɛbulɔŋ nda+ la cho laŋ ni: yuŋgu Sɛluɛdi wo, yuŋgu Ɛlɔŋ ndo, a yuŋgu Chaaliɛɛ wo. 27 Yuŋgula puaa Sɛbulɔŋ nda la wa laŋ ni. Nduyɛ wanaa nda poonyiaa diolaŋ nda, a wa kpou kpou 60,500.+

28 Puaa Choosɛ wa+ cho haa ni: Manaasɛ nda Ifiluem.+ 29 Yuŋgula puaa Manaasɛ wa+ la cho laŋ ni: yuŋgu Makaya wo+ a yuŋgu Kiliaadi wo. Kiliaadi yɛ, Makaya, po Manaasɛ wo velu ndu ni.+ 30 Yuŋgula puaa Kiliaadi wa la cho laŋ ni: yuŋgu Aisɛɛ wo, yuŋgu Hɛlɛki wo, 31 yuŋgu Asiluɛɛ wo, yuŋgu Siɛkɛm ndo, 32 yuŋgu Siɛmida wo, a yuŋgu Hɛfa wo. 33 Sɛlofɛhadi, po Hɛfa wo, waŋ laanduaa kinɛi ndoo velu ni,+ kɛ o vilu wana pɔnɔ le. Diola chuaa nduaa laanduaa+ la cho laŋ ni: Maala, Nuuwa, Hɔkila, Milika, a Tiɛsa. 34 Yuŋgula Manaasɛ laŋ la wa laŋ ni. Nduyɛ wanaa nda poonyiaa diolaŋ nda, a wa kpou kpou 52,700.+

35 Yuŋgula puaa Ifiluem nda+ la cho laŋ ni: yuŋgu Sutɛla wo,+ yuŋgu Bika wo, a yuŋgu Tehaŋ ndo. 36 Sutɛla velu Ɛluaŋ ni, nduyɛ o pulale Sutɛla leŋ choo yuŋgu Ɛluaŋ ndo fula ni. 37 Yuŋgula puaa Ifiluem nda la wa laŋ ni. Nduyɛ wanaa nda poonyiaa diolaŋ nda, a wa kpou kpou 32,500.+ Wanaa fula o pulale Choosɛ leŋ choo wa wa haa ni a yuŋgula ndalaŋ.

38 Yuŋgula puaa Bɛŋjamiŋ nda+ la cho laŋ ni: yuŋgu Bɛla wo,+ yuŋgu Asibɛɛ wo, yuŋgu Ahiluam ndo, 39 yuŋgu Siɛfufaŋ ndo, yuŋgu Supim ndo, a yuŋgu Hufam ndo. 40 Bɛla velu Aadi nda Naamaŋ ni.+ Nduyɛ o pulale Bɛla leŋ choo yuŋgu Aadi wo a yuŋgu Naamaŋ ndo fula ni. 41 Yuŋgula puaa Bɛŋjamiŋ nda la wa laŋ ni. Nduyɛ wanaa nda poonyiaa diolaŋ nda, a wa kpou kpou 45,600.+

42 Daŋ velu Suham ni. Nduyɛ, o pulale Daŋ ndeŋ choo+ yuŋgu Suham ndo fula ni. Wanaa fula o pulale Daŋ ndeŋ choo wa wa haa ni a yuŋgula ndalaŋ. 43 Wanaa fula o yuŋgula Suham ndaŋ choo wa, a nda poonyiaa diolaŋ nda, a wa kpou kpou 64,400.+

44 Yuŋgula puaa Asia wa+ la cho laŋ ni: yuŋgu Iminaa wo, yuŋgu Isivi wo, a yuŋgu Bɛluaya wo. 45 Puaa Bɛluaya wa, yuŋgula ndalaŋ la cho laŋ ni: yuŋgu Hɛba wo a yuŋgu Malikiɛɛ wo. 46 Chua Asia wo ndoo nɔ diolaŋ ni aa Siluai. 47 Yuŋgula puaa Asia wa la wa laŋ ni. Nduyɛ wanaa nda poonyiaa diolaŋ nda, a wa kpou kpou 53,400.+

48 Yuŋgula puaa Nafitalii wa+ la cho laŋ ni: yuŋgu Chaasɛɛ wo, yuŋgu Kuni wo, 49 yuŋgu Chɛsa wo, a yuŋgu Siɛlɛm ndo. 50 Wanaa fula o pulale Nafitalii leŋ choo wa wa haa ni a yuŋgula ndalaŋ. Nduyɛ wanaa nda poonyiaa diolaŋ nda, a wa kpou kpou 45,400.+

51 Wanaa nda poonyiaa diolaŋ o Isɔluɛi niŋnda, a wa kpou kpou 601,730.+

52 Okoŋ kɔɔli, mi Chɛhowa dimul Muuse aa: 53 “Wanaa ŋ poonyiaa haa diolaŋ nda ŋ nɔ ni ma piɔu lɛŋndeŋ le mi le wa nyɛm kɛŋ nda. Mɛɛ nda cho o yuŋgoo niŋ yɛ nda nɔ ni ma sɔla.+ 54 Te waŋnda wa pɛ tau o yuŋgoo niŋ, a chɔɔlu nda lɛŋndeŋ. Kɛ te waŋnda ve a bɔɔ o yuŋgoo niŋ te, a faŋa lɛŋnde ndaleŋ lechoo.+ Yuŋgu kɛ kɛ nɔ mbo sɔla lɛŋndeŋ mɛɛ wanaa nda poonyiaa diolaŋ nda cho yɛ. 55 Kɛ nduyɛ, te a wa lɛŋnde leŋ piɔuwo pɛ, a nɔ ma wuu kooŋ.+ Yuŋgu kɛ kɛ nɔ mbo sɔla buŋgɛi o lɛŋnde nda kilul kaale finyaa ndaa leŋ niŋ. 56 A nɔ ma wuu kooŋ le sinaa fondaŋ kaale kɛ kɛ nɔ mbo sɔla lɛŋndeŋ ndo, nduyɛ ma piɔu lɛŋndeŋ mɛɛ yuŋgu kɛ kɛ nɔ waŋnda yɛ.”

57 Yuŋgula nda poonyiaa diolaŋ o pulale Livai leŋ choo laŋ+ la cho laŋ ni: yuŋgu Kɛɛsiɔŋ ndo, yuŋgu Kohati wo,+ a yuŋgu Meluali wo. 58 Yuŋgula fula o pulale Livai leŋ choo laŋ la cho laŋ ni: yuŋgu Libini wo,+ yuŋgu Hɛbulɔŋ ndo,+ yuŋgu Maali wo,+ yuŋgu Musai yo,+ a yuŋgu Kolua wo.+

Nduyɛ, Kohati velu Amiluam ni.+ 59 Amiluam laa ndɔ wa Chokɛbɛdi ni,+ chua Livai yo. Nduyɛ o Ichipi niŋ nda velu ndu ni. Chuauwaa Chokɛbɛdi vilul Amiluam nda cho haa ni: Elɔŋ, Muuse, a Meeliam yema nda.+ 60 Puaa Elɔŋ velu wa cho haa ni: Nadabi, Abaihu, Ɛlieesa, a Itamaa.+ 61 Kɛ mi Nadabi nda Abaihu wu le mɛɛ nda soli sala leyiŋ ndaa nɔ di le soli le wo Chɛhowa lachi yɛ.+

62 Puaa nda poonyiaa diolaŋ o yuŋgu Livai yo choo chɔŋ paŋgei i pilɛ haaa kɔ kɛ wa,+ a wa kpou kpou 23,000. Kɛ a mɔsɔŋa nda diolaŋ poonyiaa a Isɔluɛiyaa tuaa le,+ kanifuule Livaiya ndaa nɔ ma sɔla nyɛm kiɔɔŋ Isɔluɛiya tɛɛŋ te.+

63 Isɔluɛiya haa Muuse nda Ɛlieesa wana soliaa lasalaa poonyiaa diolaŋ o pollo niŋ Mowaabi, o Pioo Chɔɔdaŋ, Chɛluiko ikɛi ni. 64 Kɛ teleŋ Muuse nda Elɔŋ wana soliaa lasalaa chɔm Isɔluɛiya o pollo niŋ Sanai yo,+ waŋnda haa kinɛi, wana pilɛ bɛɛ ve nda tɛɛŋ te. 65 Kanifuule, mi Chɛhowa dimi a nda okɔɔ aa: “O pollo niŋ nda cho wu ni.”+ Lelaŋ o nda tɛɛŋ kinɛi, wana pilɛ bɛɛ lo yoomu le, mɛɛ Kelɛbi, po Chɛfunɛ wo nda Chɔɔsuaa, po Nuŋ ndo.+