Chɔŋ
2 O paale yaa ndɔleŋ choo, mi bɔŋaŋ nɔ kɛsiaa tosaŋ Kena o Kalili niŋ. Nduyɛ kalaa Chiisu wa loŋ. 2 Chiisu nda buɛiyaa nduaa bɛɛ, ma veelu nda o bɔŋaŋ nɔ kɛsiaa koŋ.
3 Mɛɛ muɛiyaŋ ma dɔɔnaŋ, mi Chiisu kala ndɔ dimul ndu aa: “Muɛiyaŋ ma chuu nda o ba.” 4 Kɛ mi Chiisu dimul ndu aa: “Wɛɛŋndo, o cho suɛi naa le cho keŋ te. Teleŋ nuu fuuluu wɔ le.” 5 Mi kala ndɔ dimul wanaa wa nyɛdiaa piɔuwo wa aa: “Nyɛ o nyɛ o dimul nya pɛ, la tosa.” 6 A mɛɛ sawa Chuuwa wa le ndapila dindioo yɛ,+ kpɛɛnɛŋ pouwoŋ wa loŋ ŋɔmpum, ŋ ndaa wou mɛŋndaŋ leniŋ ndoŋ. Kpɛɛnɛi kɛ kɛ ndii chua le litɛilaŋ 44 ɔɔ 66. 7 Mi Chiisu dimul nda aa: “La pei mɛŋndaŋ o kpɛɛnɔŋ muŋ niŋ.” Okoŋ ma pei maŋ cha cha. 8 Mbo dimul nda aa: “La kɔndu ma tiŋ mi la yoo wana cho bɔŋaŋ nɔ kɛsiaa chilaŋ ndo.” Okoŋ ma yoo ndu maŋ. 9 Mɛɛ wana wa bɔŋaŋ nɔ kɛsiaa chilaŋ ndo dembi mɛŋma nda siiŋguu muɛiyaŋ ndaŋ, mi che bɛɛ ndoo sina naa ma fula wa le (kɛ wanaa kɔndu mɛŋndaŋ nda ndaa sina), mbo veelu wana cho lanɔɔ chuaa wo. 10 Mbo dimul ndu aa: “Muɛima kɛndɛ kɛndiaŋ fɛlɛŋ wana ke waŋnda. Te ma bii nda pɛ, a soli niko ma niŋ lapi le waŋ. Kɛ ma kɛsi wɔ muɛima kɛndiaŋ haaa a teleŋndo hoo.” 11 Teleŋ Chiisu wa Kena o Kalili niŋndo o tosa kaamaa ndɔ tasoo hoo ni. Mi kaamaa hoo chɔm naŋɔɔ ndɔɔ kpendekele,+ nduyɛ mi buɛiyaa nduaa duau laalaŋndo o ndu niŋ.
12 Okoŋ kɔɔli, mi Chiisu, kala ndɔ, pɔmbuaa nduaa,+ a buɛiyaa nduaa kua Kepaaniɔm,+ kɛ a chii palɛi bɔɔ loŋ te.
13 Bɔŋaŋ Hiouwɔɔ Choo Wo+ le Chuuwa wa niŋ kpɛɛluŋ mi Chiisu kua Chulusalɛm. 14 Mbo komal waŋnda nauwa, saa, a kaŋgbuaa pisioo o chiɛi Mɛlɛkaa niŋ.+ Wanaa wa kanioŋ* siŋgaa wa bɛɛ wa ichali o kpeŋgbeila* ndalaŋ choo. 15 Mɛɛ o toosiaa kpatooleŋ, mbo soli wanaa wa nauwa a saa pisioo o chiɛi Mɛlɛkaa niŋnda o bɛɛ. Okoŋ, mbo sɛŋi kaniŋ waŋnda wa siŋgaa woŋ, nduyɛ mbo nyiinduu tibiila* ndalaŋ.+ 16 Mbo dimul wanaa wa kaŋgbuaa pisioo wa aa: “La faŋa nyaa haa nanuŋ! La pɛŋgi chiɛi Finya nuu siiŋguuwo chiɛi leyulaa!”+ 17 Mi buɛiyaa nduaa loonuŋ maa i cho i poonyiaa aa: “Sɛmbɛ ya nɔ le chiɛi numndo wo cho ya lomɔɔ maa leyiŋ.”+
18 Okoŋ mi Chuuwa nyuna ndu aa: “Kaamaa kuɛɛnɛ ŋ cho yɛ tosa le naa chɔmndo+ maa a nɔ dioo le sɔɔŋ muŋ tosaa?” 19 Mi Chiisu mulul nda aa: “La piɔl chiɛi Mɛlɛkaa hoo, mi miŋgi ndu taŋgul o palɛi i yaa bɛŋgu.”+ 20 Mi Chuuwa dimul ndu aa: “Wɔsilaŋ 46 nda chua ni le chiɛi Mɛlɛkaa hoo taŋgullo. Ndu ŋ nɔla ni ma miŋgi taŋgul o palɛi i yaa bɛŋgu?” 21 Kɛ chiɛi Mɛlɛka Chiisu wa suɛi a ndu okɔɔ wo cho dialuŋ ndɔŋ ni.+ 22 Mɛɛ o miiŋgu yoomu, mi buɛiyaa nduaa loonuŋ maa mi ndoo soo a ndi okɔɔ,+ nduyɛ ma laalaŋ diom Mɛlɛkaa a nyɛ Chiisu ndoo dimi wo.
23 Teleŋ Chiisu wa Chulusalɛm o Bɔŋaŋ Hiouwɔɔ Choo Wo wo, mi wanaa bɔɔbɔɔ duau laalaŋndo o ndu niŋ* mɛɛ nda che kaamaala o wa tosaa laŋ. 24 Kɛ Chiisu laalaŋ o nda niŋ te, kanifuule ndoo sina nda kpou. 25 Mi wana ndoo dimul ndu bɛɛ le ndoo sina nyɛ cho wanachioo o kɔl lo.+