Luomaŋnda

10 Puaapiliaa, yeemɛi cho ya o kɔl, nduyɛ mi wa Mɛlɛka nyɔɔloo o piɛileŋ niŋ le ma sɔla pioŋɔɔ.+ 2 I tiuba mi dimi maa waŋnda haa fula ŋdial le Mɛlɛka piɛiyo,+ kɛ a nɔ kɔl kalu kpeekpeiyo a ndu okɔɔ le. 3 Le mɛɛ nda sina nyɛ cho sakpo Mɛlɛka o hɔl lo le yɛ,+ ma wa kɔl kalu ndapilaa tolɔɔ kɔɔli.+ Le hei, ma kɛɛ le tosaa nyɛ cho sakpo Mɛlɛka o hɔl lo.+ 4 Kiliti cho mɛɛlula Sawaa* ni.+ Lelaŋ, wana o wana dɔu pɛ laalaŋndo o ndu niŋ, o cho simnɔŋ wana sakpo Mɛlɛka o hɔl.+

5 Mi Muuse poonyiaa mɛɛ Sawaa tosa mi wana wa sakpo yɛ aa: “Wana tosa pɛ nyɛ Sawaa dimi wo, o cho wa yoomu.”+ 6 Kɛ mi diom Mɛlɛkaa dimi a sakpoyɛi wana sɔla le laalaŋndo dɔwɔɔ o Mɛlɛka niŋndo okɔɔ aa: “A nɔ ma dimi hei o kɔl numndo niŋ te.+ Ndi cho ni, ‘Nɛɛnɛ cho yɛ helɔɔ o choo choo niŋ?’+ Koŋ cho ni, le mbo tusi Kiliti lɛŋ nanuŋ. 7 Te koŋ te, ‘Nɛɛnɛ cho yɛ tolɔɔ o sooŋ yiŋgilɛi nɔ lamɛɛlu le wo niŋ?’+ Koŋ cho ni, le mbo miŋgi Kiliti yoomu.” 8 Kɛ yɛɛnɛ Yau Mɛlɛkaa dimi yɛ? “Diom Mɛlɛkaa cho nya ikɛi, o cho nya o lasondo, nduyɛ o cho nya o lakɔl.”+ Koŋ cho ni, “diom” naŋ cho nya dimullo a laalaŋndo okɔɔ wo. 9 Te la dimul pɛ waŋnda a lasondo maa Chiisu cho Masanɔɔ ni,+ nduyɛ mi la laalaŋ o kɔlta nyalaŋ niŋ maa mi Mɛlɛka miŋgi ndu yoomu, la cho pioŋɔɔ sɔla. 10 Kanifuule, o kɔllo niŋ waŋndo laalaŋ ni le waa wana sakpoo Mɛlɛka o hɔl. Kɛ a sondo o dimul waŋnda kpendekele+ ni le pioŋɔɔ sɔlaa.

11 Yau Mɛlɛkaa dimi aa: “Wana o wana dɔu pɛ laalaŋndo o ndu niŋ, wana koŋ tulnuŋ lasiɔmbu le.”+ 12 Yɛ yɛ cho Chuunɔɔ nda Kilikiinɔɔ tɛɛŋ te.+ Naa kpou Masanɔɔ o pilɛ naŋ nɔ ni. Wana o wana veelu ndu pɛ, mbo ke ndu nyɛm ndɔŋ. 13 Nduyɛ “wana o wana veelu pɛ diola Chɛhowa* laŋ, o cho pioŋɔɔ sɔla.”+ 14 Kɛ, vɛɛ nda looku yɛ ma veelu diola ndɔlaŋ, te a dou laalaŋndo o ndu niŋ te? Vɛɛ nda looku yɛ ma dɔu laalaŋndo o ndu niŋ, te a tuiyɔ a ndu okɔɔ le? Vɛɛ nda looku yɛ ma tuei, te wana dimul nda yooŋgoo a ndu okɔɔ le? 15 Vɛɛ nda looku yɛ ma dimi yooŋgoo, te wana vim nda le?+ A mɛɛ Yau Mɛlɛkaa dimi yɛ aa: “I cho bɔɔ suɛi kɛndɛ bɛndu le chɔɔ wanaa dimi yooŋgu kɛndɔɔ a sɔɔŋ kɛndɔŋ okɔɔ wa!”+

16 Kɛ o cho nda kpou le chɛl yooŋgu kɛndɔɔ le. Kanifuule, mi Aisaya dimi aa: “Chɛhowa,* nɛɛnɛ dɔu yɛ laalaŋndo o nyɛ o tuei naa dimioo wo niŋ?”+ 17 Lelaŋ, waŋndo tuɛi fɛlɛŋ yooŋgoo malaŋ o laalaŋ nyɛ o tueiyo.+ Nduyɛ nyɛ o tuei koŋ ndo, a Kiliti okɔɔ o cho ni. 18 Kɛ I nyuna wɔ a Isɔluɛiya okɔɔ. Baa ndaa tuei pa yooŋgoo? Ei, ma tuɛi. Yau Mɛlɛkaa dimi pɛŋ aa: “O lɛŋndeŋ choo kpou, mi diomnda wanaa dimi yooŋgoo wa tiu. Nduyɛ, mi yooŋgu ndaa fuuluu ba o ba fee o lɛŋndeŋ choo.”+ 19 I nyuna wɔ vɛlɛ a Isɔluɛiya okɔɔ. Baa ndaa bii pa yooŋgoo bila?+ Muuse fɛlɛŋ muli aa: “I cho tosa mi la paŋala wanaa cho kaale sɔvɛ le wa. I cho tosa mi la dɔɔnuŋ tumbe a kaale cho nyɛ o nyɛ le leŋ.”+ 20 Kɛ mi Aisaya dimi a kɔl simulaa aa: “Wanaa ve ya nuuviaa le wa, nda saaluŋ ya ni.+ Mi tosa mi wanaa ve nyuna le ya le wa sina ya.”+ 21 Kɛ mbo dimi a Isɔluɛi okɔɔ aa: “Lepaa o lepaa, bala nilaŋ la wa la kumbiaa le wanaa nilakaluaa a wanaa bolii kalaa haa.”+