Sam
149 La saŋgala Chɛhowa!*
La solul Chɛhowa chondii sɛnɛiye.+
La saŋgala ndu o kunda wanaa chɔm lo lechoo wo wa tɛɛŋ.+
2 Maa Isɔluɛi dɔɔnuŋ nyaale o Wana ndɔ Toosiaa Bɛndoo niŋ.+
Maa puaa o Saayɔŋ niŋ dɔɔnuŋ nyaale o Masa ndaa niŋ.
4 Kanifuule Chɛhowa nɔ yeemɛi o wanaa nduaa niŋ.+
Nduyɛ mbo piŋi wanaa tusiaŋnda.+
5 Maa wanaa chɔm lo lechoo wo wa sɔla bɛɛleŋ.
Maa a deŋi choo choo a nyaaloo o kpelela ndalaŋ choo.+
6 Maa chonduŋ nda soli le Mɛlɛka saŋgalaa woŋ wa nda o lasondo,
Nduyɛ mi muɛi sondola tiɔɔŋnde wa nda o laba,
7 Le ma miŋgul kaalaŋ maa,
Ma tusi waŋnda nyɛpalaa choo,
8 Le masaa ndaa yiiyo o yɔlɔŋ,
Nduyɛ ma baŋ wanaa ndaa bɛnduaa o kpiɔɔ,
9 Le halikpeŋ mi sɔɔŋ nda poonyiaa a nda okɔɔ woŋ yɔŋnuŋ.+
Wanaa chɔm lo lechoo wo o ndu lo wa kpou sɔla bɛɛle waa nuaa ni.
La saŋgala Chɛhowa!*