Koloosiaŋnda

2 I yeema mi la sina mɛɛ ya cho fafalaa le nya, haa Lawodiisiaa,+ a wanaa chi wɔ ya le wa kpou yɛ. 2 I cho hei tosaa le mi waŋnda haa sɔla kɔl dɛɛniaa,+ ma wa diompilɛ o kaalaa niŋ,+ nduyɛ ma sɔla sul kpeekpeiyo le sinapɛŋgu nda sɔla mbo ke nda tiindaŋndo wo niŋ. Okoŋ, a nɔla ma sina suɛi viaŋnaŋii Mɛlɛkɛi nyɛkɛndɛi. Ndi cho yɛ Kiliti ni.+ 3 Kɔl kaloo a taasioo, o Chiisu niŋ nyɛm baa kalaŋ muŋ kpou veŋnuŋ ni.+ 4 I cho hei dimioo le halikpeŋ wana o wana hui nya a sondo ndɔ yeelɛiyo le. 5 Mi che bɛɛ I cho loŋ a nya le, kɛ yiyaŋ nuu cho a nya latulu. Nyaaloo cho ya le nya chɔɔ sɔɔŋ tosaa kpɛ kpɛ,+ nduyɛ mi la sim yi o laalaŋ nya nɔ o Kiliti niŋndo choo.+

6 Lelaŋ, mɛɛ nya chii Masanɔɔ Chiisu Kiliti chɛlɔɔ yɛ, la hiou lachi a waa o diompilɔɔ niŋ a ndu. 7 A mɛɛ nya pɛɛku yɛ, laalaŋ nyaa o Chiisu niŋ nɔ mbo luɛi puundoŋ,+ mɛɛ puunduŋ yɔmndo luɛi nuaa lɛŋ di yɛ.+ Nduyɛ, la wa Mɛlɛka balikaa mello lɔɔlɔɔ.+

8 La mandaŋ yɔŋii waŋnda bii nya ma siiŋguu nya chiaa a taasi chieeŋndo hoo, okoŋ ma hui nya a sɔɔŋ ndaŋ lachoowaŋ.+ O naamula waŋnda chieeya a o yiyaŋnda chieeŋndo choo sɔɔŋ muŋ tɔlnuŋ ni, kɛ o cho o pɛɛkula Kiliti laŋ niŋ te. 9 Kanifuule, suliŋnda Mɛlɛkalaŋ la cho la piaa cha o ndu niŋ.+ 10 Nya bɛɛ chii nyɛ o nyɛ sɔla o Chiisu niŋ. Ndu cho bolleŋ le masɛi a kpaayalaŋ kpou ni.+ 11 Le mɛɛ nya cho o chaŋyɛi niŋ a ndu yɛ, la chii niŋ hivi chiɛi kɔɔlioo sɔla, kɛ ndu ve maa hivi chiɛi kɔɔli idiallo le.+ Kaala wɔɔŋnda dialuŋ nyaŋ hakioŋ wa tosaa laŋ nya mal ni. Nduyɛ, hivi chiɛi kɔɔlioo hoo buɛiyaa Kiliti wa sɔla ni.+ 12 Teleŋ nya sɔla yiŋɔɔ maa ndu wo, mi la sɔla kumbɔɔ a ndu latulu.+ Nduyɛ le mɛɛ nya cho o chaŋyɛi niŋ a ndu yɛ, mi la miiŋgu yoomu+ a ndu latulu. Hei yɔŋnuŋ le mɛɛ nya dɔu laalaŋndo o kpaaya Mɛlɛka miŋgi ndu yoomu wo niŋ yɛ.+

13 La wa paandu a vilɛi le yɔŋnda nyala wɔɔŋndaŋ, a le mɛɛ nyaa sɔla wɔ hivi chiɛi kɔɔli le yɛ. Kɛ mi Mɛlɛka miŋgi nya yoomu le mi la wa diompilɛ a Chiisu.+ Mbo mal naa haki le yɔŋnda naala wɔɔŋndaŋ kpou.+ 14 Mbo wɔɔsuu sawala wa la poonyiaalaŋ.+ Sawalaŋ ndaŋ+ laa simul naa ni.+ Mi Mɛlɛka faŋa laŋ a baŋɔɔ nda baŋ Chiisu o yɔm imɔnɔɔ* choo wo.+ 15 Mbo yuŋga masɛi a kpaayalaŋ. Mbo siiŋguu nda chiaa, okoŋ mbo soli nda faŋgaa lachi deŋ le mi wana o wana che nda,+ ma sina maa Chiisu yem nda o chɔuwo.

16 Lelaŋ, la chɛl mi wana o wana kilul nya yamɛi le nyɛ nya dia wo ɔɔ nyɛ nya kol+ lo ɔɔ bɔŋaŋnda iwɔsilaŋ ɔɔ paŋgii sɛnɛiye+ ɔɔ paale pɛŋgiaaleŋ te.+ 17 Kanifuule, nyɔɔŋ muŋ kpou, ŋ cho ko maa lewundu le nyɛm cho hunɔɔ yɔŋnɔŋndo woŋ.+ Kɛ Kiliti cho nyɛ kpeekpeiyo ni.+ 18 La mandaŋ a wanaa handuŋ o hɔl maa a tusiŋ nda, a wanaa piɛi maa maalikɛiya wa. Kanifuule, a nɔla ma kuuna nya fanda nyaa sɔlaa.+ Nyɛ nda cha wo koni nda laalaŋ ni. Nduyɛ ma kelu yoŋga fondoo o yiyaŋnda ndala iwana chieeya laŋ niŋ. 19 Waŋnda haa cho a mɔɔsaŋ a bolleŋ* te.+ Bolleŋ ndeŋ yɛ, leŋ le yɔŋgu dialloŋ nyɛdiaa ni, nduyɛ mi le tosa mi boondoŋ a nyɛsuaŋ kpou o dialloŋ niŋ wa ŋ chiiŋiaa. Okoŋ mi dialloŋ hindu mɛɛ Mɛlɛka yeema muŋ miŋ hindu yɛ.+

20 Te o yɔŋ pɛ maa la vi niŋ nya Kiliti waa latulu, nduyɛ mi la mal yiyaŋnda chieeŋndo hoo,+ mɛɛ le yɛɛnɛ nya cho yɛ sɔɔŋ tosaa maa la cho wɔ le chieeŋndo? Le yɛɛnɛ nya cho yɛ sawalaŋ ndaŋ biyɔɔ:+ 21 “La chua le, la dembi le, la pilaŋ te”? 22 Te waŋndo soliŋ pɛ nyɔɔŋ muŋ kpeku, ŋ simnuŋ nyɛ fondoo. Nduyɛ waŋnda chieeya kɛsi sawalaŋ ndaŋ ni, ma wa waŋnda laŋ pɛɛkoo.+ 23 Mi che bɛɛ mi wana yiyaŋ maa taasioo cho o sawalaŋ ndaŋ niŋ, kɛ la mala waŋnda le yeemɛi ŋdialle chɔulabaa le. Kanifuule ndapila kɛɛsiaa ni mɛɛ nda yeema ma piɛi Mɛlɛka yɛ, nduyɛ ma saaŋgiaa dialuŋ ndaŋ+ le tusiŋ lachoowaa chɔmndo.