Sam
Chondii Deeve Ve.
143 Oo Chɛhowa, tuei piɛile nileŋ.+
Yaŋ nilaŋ o nyɔɔlu ya cho num le malaa wo.
Muli ya diom, kanifuule a cho Mɛlɛka tonya, nduyɛ a cho sakpo.
2 Sim kɔɔsaa a ya buɛi numndo le,
Kanifuule wana o wana cho mbo wa sakpo num o hɔl te.+
3 Yaamɔɔnɔ nuu tisa ya kɔɔli.
O bii ya mbo viɔl la lɛŋ kpɔl.
O tosa mi wa o nyumndaŋ niŋ, maa wanaa vi niŋ le teleŋ vilɛi ya.
4 Yoomuleŋ bɛɛ I nɔ le.+
Nduyɛ, kɔl cho ya niŋ te.+
5 I loonuŋndɔ a palɛi masindɛi okɔɔ.
Mi yiyaŋ o walta numndaŋ choo kpou.+
Mi yiyaŋ nyɛkɛndɛi a wali bala numndaŋ la tosa wo okɔɔ.
6 I tɛilul num balaŋ.
I cho num chumndo, mɛɛ lɛŋnde vesɛileŋ le chum nuaa le piɔɔ yɛ.+ (Sila)
7 Oo Chɛhowa, muli ya diom chɔ chɔ.+
Yoomuaŋ ma chuu ya fo.+
Viŋ ya hɔlaa numnda le.+
Te o cho koŋ te, I cho wa maa wanaa cho kɔlaŋ o sooŋndo* niŋnda.+
8 Tosa mi tuei a kaala lo lechoo numndo okɔɔ idii,
Kanifuule I tiindaŋ o num niŋ.
Chɔm ya nɛi ya nɔ mi kuɛ choo wo,+
Kanifuule o numndo ya muliŋ ni.
9 Oo Chɛhowa, piŋi ya yaamɔɔwaa niaa o ba.
O numndo ya nyaanuŋ ni le ya mandaa.+
10 Pɛɛku ya le hɛnaŋ numndo tosaa,+
Kanifuule num cho Mɛlɛka nuu ni.
A cho bɔɔ wana kɛndɛ.
Maa kpaaya numndo kɔ a ya o lɛŋnde dɛŋgbɛleŋ choo.
11 Oo Chɛhowa, manda yoomu nuu le sabu diola numndaŋ.
Piŋi ya o sɔɔŋ palaŋ ya cho niŋ ndoŋ, kanifuule a cho sakpo.+