Sam
א [Alɛfi]
Kɔl kɛndɔɔ cho le wana nɔ siooŋii Chɛhowa ve,+
ב [Bɛti]
Nduyɛ mbo naŋ kɔl tau le sawala nɔlaŋ biyɔɔ wo.+
ג [Kimɛɛ]
2 Mɛlɛka cho chuauwaa nduaa mamaa cho sakpo wa salaa dɔwɔɔ,+
ד [Dalɛti]
Nduyɛ ma wa wanaa kpaayaa bɛnduaa o lɛŋndeŋ choo.
ה [Hee]
3 Nyɛm kiɔɔŋ a sullo cho wa o ndu lo chiɛiniŋ,
ו [Wau]
Nduyɛ mi sakpoyɛi nduɛi hiou lachi a waa le fɛɛŋ a fɛɛŋ.
ז [Sayiŋ]
4 O cho wa diondɔɔ wanaa cho sakpo wa tɛɛŋ mɛɛ nyɛ teŋgaa wa nuaa o nyumndaŋ niŋ yɛ.+
ח [Hɛti]
O nɔ kɛndɛi, nyiɛɛye,+ nduyɛ o cho sakpo.
ט [Tɛti]
5 Dɛnɛ kɛndɔɔ wa le wana yɔŋgu a kɔl ndɔɔ kpou wo ni.+
י [Yodi]
Mbo tosa walta ndɔlaŋ o sandei choo.
כ [Kafi]
6 Fɛɛŋ bɛɛ o hiiluŋ te.+
ל [Lamɛdi]
Waŋnda cho loonɔŋ a wana cho sakpo wo okɔɔ le fɛɛŋ a fɛɛŋ.+
מ [Mɛmi]
7 O yɔŋ niŋ isiooŋ le yooŋgu wɔɔŋndo le.+
נ [Nun]
O nɔ kɔl simulaa nduyɛ o tiindaŋ o Chɛhowa niŋ.+
ס [Samɛki]
8 Kɔllo yɔŋnuŋ ndu pulaŋ pulaŋ te nduyɛ o nɔ isiooŋ te.+
ע [Ayin]
O mɛɛlulaŋ kpɔŋ, o cho yaamɔɔwaa nduaa chɔ o delioo mbo dɔɔnuŋ nyaale.+
פ [Pe]
9 Mbo piɔu wanaa bala fonduaa nyɛm ndɔŋ a kɔl ndɔɔ kpou.+
צ [Sadi]
Sakpoyɛi nduɛi cho wa le fɛɛŋ a fɛɛŋ.+
ק [Kilofi]
Bɛɛle o cho sɔla leŋ le cho tosa mi kpaaya ndɔɔ* fula tɔɔ.
ר [Luɛsi]
10 Wana dɛnɛ wɔɔŋndo cho chɔ mbo tambu kɔl.
ש [Shiŋ]
O cho chiŋndoŋ sɔm okoŋ mbo lo pɛ.
ת [Tau]
Yeemaŋ wanaa dɛnɛ wɔɔŋnda cho tambu.+