7 “Te puaapilɛnɔ nyaa simnuŋ pɛ wana bala fondoo o chieeŋ nyaŋ bɛnduŋ Chɛhowa Mɛlɛka nyaa cho nya ke woŋ niŋ i pilɛ, la tuiinuŋ ndu inyiɛɛ nduyɛ mi la mala ndu.+ 8 La nɔ mi la tosal ndu kɛndɛi.+ Nduyɛ nyɛ o nyɛ o hauba pɛ mbo nyuna le ndu, la nɔ mi la wuu ndu kuoo.

41 Kɔl kɛndɔɔ cho le wana tuiinuŋ wana bala fondoo nyiɛɛye wo.+

Chɛhowa cho ndu piŋi o paale kpundɛ leŋ choo.

17 Wana o wana tosal pɛ wana bala fondoo kɛndɛi, mɛɛ Chɛhowa o cho kuoo wuuwo ni.+

Nduyɛ, o cho ndu paawa* le sɔɔŋ o tosa woŋ.+

34 Nduyɛ, te o wa pɛ maa wanaa soli kueela nyalaŋ nda kinɛi nya wuu kueelaŋ* ni, tɔnɔ yɛɛ nya sɔla yɛ o keŋ niŋ?+ Kanifuule, wanaa lahakiaa bɛɛ ma wuu wanaa lahakiaa kueelaŋ le ma huŋ miŋgi nda o ba. 35 Kɛ nya, la hiou lachi a yaamɔɔwaa nyaa kaalaa, mi la tosalaŋ kɛndɛi. Nduyɛ la wuu waŋnda kueelaŋ, kɛ la yiyaŋ le ma soli kuee nyaa a nyɛ lechoo le.+ O hei niŋ, la cho fanda bɛndu bɛndoo sɔla. Okoŋ mi la simnuŋ chuauwaa Mɛlɛka Bɛndoo. Kanifuule, wanaa sina ikɛndɛ le wa ni, wanaa dɛnɛ wɔɔŋnda ni, mbo tosal nda kɛndɛi.+

35 I chɔm nya o nyɛ o nyɛ niŋ maa, te la tosa pɛ wallo kalaŋ o nɛi waa nuaa choo,+ la nɔla mi la mala wanaa nɔ kpaaya tosaa nyɛ le wa. Nduyɛ la loonuŋ nyɛ Masanɔɔ Chiisu pila dimi wo. Mbo dimi aa: ‘Waŋndo nyɔɔ kioo wana hiau wa a kɔl kɛndɛ,+ a waŋndo num nyɔɔ kioo.’”

16 Okoŋ kɔɔli, la puɛɛnuŋ a waŋnda sɔɔŋ kɛndɔŋ tosallo le. Nduyɛ la piɔuviaŋ nyɛm nya nɔ woŋ vellaa velle.+ Salala waa ndoo la nɛŋi Mɛlɛka kɔl ni.+