Mɛɛ Wana Soliŋ Yauwo Hoo Kpeku Yɛ

Pei cho lachi ve nɔ bolle Baabuile tɛɛsiiyo tɔlnuŋ choo leŋ le paale kɛ kɛ. Mi che bɛɛ wana nua tɛɛsiiyo teleŋ o teleŋ o paaleŋ niŋ, kɛ wanaa bɔɔbɔɔ, idii nda yeema hei tosaa ni. Kanifuule, keŋ mala nda ma niilu yiyaŋndo a nyɛ tɛɛsiiyo dimi le paaleleŋ ndo okɔɔ. O bɛnda bɔɔ le mi yuŋgoo tosa tɛɛsiiyo diompilɛ. Mi yuŋgulaŋ o Bɛtɛɛl chieeŋndo balɔɔ silɔ tosa keŋ a teleŋ nda tosa piɛile idiileŋ ndo.

O yaula Bandu Mɛŋgɛlaa (w) niŋ chɔŋ a Nyaakuɛiyo 2022 haaa Fuoo 2023 tɛɛsii kɛ kɛ fula ni. Nɔmbɛila tasela nda poonyiaa o paŋgii Bandu Mɛŋgɛlaa kɛ kɛ lachi wo, sim le peeleŋ ɔɔ pei cho o buŋgɛi pɛɛkɛi Bandu Mɛŋgɛlaa koŋ niŋndo. Nɔmbɛila cho lachi laŋ, la sim le pɛl ɔɔ pɛlta tɛɛsiiyo fula wo. (Tofa tamaseliiyo lebɛŋgu.) Te a yeema pɛ le chɔɔloo sinaa a nyɛ tɛɛsiiyo dimi wo okɔɔ, tofa buŋgɛi Bandu Mɛŋgɛlaa tɛɛsiiyo fula leniŋ ndo.