Tosa Yaasiaa

Kɛsi Kpeleŋndaŋ

Naa kpou, teleŋndo nyɛɛmbɔ koni naŋ nɔ ni le pɛɛkɔŋ ipilayaa tosaa. Vɛɛ naŋ soliŋ yɛ teleŋ naa kpeku nyɛkɛndɛi? O tasoo, chua teleŋndo tau o nyɛ ŋ cho pɛɛkoo wo choo. A nɔla ma sɔla tɔnɔɔ tau, te a chua pɛ buŋgɛi pɔmbɔ ma pɛɛku ndi nyɛkɛndɛi, mbo hiau diomndaŋ veeloo o sɔɔŋ niŋ tau kɛ a sɔla tɔnɔ leniŋ te.

Okoŋ, ma kɛsi kpeleŋndaŋ. (Ɛfi. 5:​15, 16) Tofawɔ sɔɔŋ ŋtiŋ ŋ mala numndoŋ:

• Veelu diomndaŋ o Baabuiyo niŋ lepaa o lepaa. (Sam 1:​2) Naapum, a kandu diomndaŋ veeloo o bolii Baabui wa le bɔŋaŋ naŋ bii o lɔɔ tɛɛŋndo.

• Bɛɛndiaŋ le pɛɛku Bandu Mɛŋgɛlaa a le bɔŋaŋ naŋ bii o lɔɔ tɛɛŋndo. Wa o bɛɛndiaŋ le mulioo yɔŋgoo.​—Sam 22:​22.

• Te a nɔ pɛ teleŋndo, wa nyɛm sɛnɛi fula woŋ pɛɛkoo. Mɛɛ yaula cho le wana o wana laŋ, vidueilaŋ, a nyɛm cheleŋ fula o jw.org choo woŋ cho nuaa yɛ.

• Kɛɛsiaa nyɛ ŋ cho pɛɛku wo. Naapum a tosa yaasiaa a simul komal numndo okɔɔ, nyuna cho num o kɔllo, ɔɔ suɛi cho o Baabuiyo niŋ ma yeema ndi sinaa nyɛkɛndɛiyo. Le ma saaluŋ sɔɔŋ muŋ ŋpum, tofa fondaŋndo hoo, “Bible Study Activities” o jw.org choo.