Yiyaŋ o Sɔɔŋ Kuluŋ Ŋ Pɛɛku Woŋ Choo

Baa a che niŋ ndi pa ikala le nyɛ ŋ pɛɛku wo loonɔŋndo? Mi hei yɔŋnuŋ naa kpou teleŋnda bɔɔbɔɔ. Yɛɛ mala yɛ num? Yiyaŋ o sɔɔŋ kuluŋ ŋ pɛɛku woŋ choo.

Te a wa pɛ pɛɛkoo, sim ndɔ kpɛ ma yiyaŋ a suɛi kulle o nyɛ ŋ pɛɛku wo choo. Tofawɔ mɛɛ kiilanɔɔ Pɔɔl mala waŋnda le suɛi kulle loonɔŋndo o yau o poonyial nda wo niŋ yɛ. Mbo dimi aa: “Suɛi lebolle o suɛi hei niŋ cho hei ni.” (Hibu. 8:1) O nɛiyo hoo choo, mbo mala nda le ma bii bila nyɛ o wa nda dimullo wo, nduyɛ ma che mɛɛ sɔɔŋ kulloŋ chiɛɛliaŋ a suɛi nduɛi lebolle yɛ.

Naapum a chua chemchemndaŋ tɔ le yiyaŋndo o nyɛ ŋ wa pɛɛkoo wo choo. Te o yɔŋ pɛ maa, a loonuŋ a sɔɔŋ kulloŋ kpou le, mɛɛ o bɛnda ma miŋgi sɔɔŋ lebolluŋ pɔmbɔŋ tofa ɔɔ ma veelu diomndaŋ o pulama tasiaŋ niŋ le pɛl kɛ kɛ, le halikpeŋ ma loonuŋ sɔɔŋ kulloŋ. Te a pɛɛku pɛ suɛi sɛnɛiye, kindiŋ le ndi tɛɛsiaa mɛɛ ŋ bii ndi bila yɛ. Te a yiyaŋ pɛ o sɔɔŋ kulloŋ choo, o cho num ko mala le maa loonuŋ a nyɛ ŋ pɛɛku wo okɔɔ le, kɛ a cho vɛlɛ chɔ mɛɛ ŋ duau ndu o wali niŋ o yoomu numndo niŋ yɛ.