BALTAŊ KANDƆƆ
SUƐI LEBOLII 5
Suɛi Chaa
Sawa Mandaa: “Diomnda nyalaŋ la nɔ mi la yeela lɔɔlɔɔ.”—Kolo. 4:6.
Nyɛ Pɔɔl Tosa Wo
1. Tofa VIDUEIYO, ɔɔ nua Walta Kiilaa 17:22, 23. Okoŋ ma muli nyunalaŋ ndaŋ:
Vɛɛ Pɔɔl ndoo sinaŋ yɛ mɛɛ o che piɛiyii lachoowɛi Atɛŋ?—Tofa Walta Kiilaa 17:16.
Pɔɔl pɛɛsa waŋnda Atɛŋ le laalaŋ ndaa le. Vɛɛ o soliŋ yɛ nyɛ nda laalaŋndo kpeku le nda yooŋgu kɛndɔɔ dimullo?
Yɛɛ Naŋ Pɛɛku yɛ Pɔɔl o Ba?
2. Mi waŋnda yaŋ naa nilaŋ te ŋ sina pɛ nyɛ naŋ cho nda dimullo, mɛɛ naŋ cho nda ndu dimullɛ, nduyɛ a teleŋ naŋ cho nda ndu dimullo.
Tol Tamasi Pɔɔl lo Kɔɔli
3. Hɛli diomnda bɛnda laŋ. Le tamaseliiyo, te a wa pɛ suukaŋndo a wana cho Kilisiɔŋnɔ le wo, a nɔ ma sina a mɛɛ ŋ cho Baabuiyo, ɔɔ diola Chiisulaŋ veelu yɛ.
4. Wa chɔ chɔ le waŋndo miŋgioo o nɛi le. Mal ndu mbo dimi nyɛ cho ndu o kɔllo. Te o dimi pɛ nyɛ Baabuiyo pɛɛku le wo, lau le ndu miŋgioo o nɛi le. (Chemi. 1:19) Te a yaŋ ndu pɛ nilaŋ, a cho sina nyɛ cho yiyaŋ ndɔɔ wo.—Pulɔ. 20:5.
5. Te o dimi pɛ tonyaa, chandu ndu ma mel ndu balikaa. Mbo yiyaŋ maa nyɛ o laalaŋndo cho tonyaa ni. Kindiŋ ma sina naa nya chɛlaŋnda. Okoŋ, ma mala ndu mbo sina tonya cho o Babuiyo niŋndo o pɔmpɔmbɔ.