Yeemɛi Chɔmndo

Nyɛ Chiisu Tosa Wo

VIDUEIYO: Nyɛ Chiisu Tosa wo Mɛɛ Chuaa Hiŋ o Sooŋ Mamɛŋndo

1. Tofa VIDUEIYO, ɔɔ nuawɔ Chɔŋ 4:​6-9. Okoŋ ma muli nyunalaŋ ndaŋ:

1. Yɛɛ Chiisu ndoo tofa yɛ chuaa o ŋdial tuupa mbo kandu baltaŋ a ndu?

2. Mi Chiisu dimi aa: “Ke ya mɛŋndaŋ mi kol.” Vɛɛ hei wa yɛ nɛi kɛndɛ le baltaŋ kandɔɔ?

Yɛɛ Naŋ Pɛɛku yɛ Chiisu o Ba?

2. Ŋ tiuba miŋ dɔu balta kɛndɛlaŋ a waŋndo te ŋ kandu pɛ suɛi a nyɛ o nɔ yeemɛi leniŋndo.

Tol Tamasi Chiisu Wo Kɔɔli

3. Tosa yɛlɛmiaalaŋ. Baŋ kaŋgalaŋ le suɛi a nyɛ ŋ kɛɛsiaŋ niŋ o kɔl le dimioo wo le. Kɛ kandu baltaŋ a nyɛ waŋnda cho yiyaŋndo choo wo. Nyunaŋndɔ aa:

1. ‘Yɛɛ cho yɛ hau o konaa niŋ?’

2. ‘A yɛɛ wanaa naŋ chiɛɛliaŋnda, wanaa naŋ tosa wallo latulu wa, ɔɔ wanaa naŋ kua o sukuu pilɔɔ wa cho yɛ hau suɛi okɔɔ?’

4. Mɛɛndiaŋ o nɛi chaa niŋ. Nyunaŋndɔ aa:

1. ‘Wali yɛɛ waŋndo hoo cho yɛ tosaa suŋ suŋ? A yɛɛ okɔɔ o cho yɛ yiyaŋndo?’

2. ‘Yɛɛ chuɛɛnɔŋ ndɔɔ, mɛɛ o cho yɛ, ɔɔ chiɛi ndɔɔ cho yɛ ya chɔmndo a laalaŋ ndɔɔ, ɔɔ naamu ndɔɔ okɔɔ?’

3. ‘Baa teleŋ kɛndɔɔ pa cho hoo ni le suɛi o ndu lo?’

5. Yaŋ nilaŋ nyɛkɛndɛi.

1. Hiu isɔɔ le.

2. Dɛɛniaa ndu le mbo soo nyɛ cho ndu o kɔllo. Te o bɛnda pɛ, nyuuniaa ndu.