Ŋ WAŊNUŊ MAA Ŋ KILISIƆŊ
Tosa Chaŋyɛi a Wanaa Kaala Chɛhowa Wa
Le yɛɛ naŋ nɔ yɛ miŋ tosa chaŋyɛi a wanaa kaala Chɛhowa wa? Kanifuule wanaa naŋ tosa chaŋyɛi wa dɛɛniaa naa le o kɛndɔɔ tosaa, ɔɔ o wɔɔŋndo. (Pulɔ 13:20) Le taamaseliiyo, le mɛɛ Masaa Chowasi tosa chaŋyɛi a Masa Wanaa Soliaa Lasalaa Chɛhowada yɛ, mbo “tosa nyɛ hini Mɛlɛka Yaawɛɛ kɔllo” wo. (2Ko 24:2) Kɛ mɛɛ Chɛhowada vi, mi Chowasi faŋaŋ o nɛi Chɛhowaa choo le mɛɛ o tosa chaŋyɛi a wanaa wɔɔŋnda yɛ.—2Ko 24:17-19.
O wɔsiŋ kɛmɛ tasoŋ niŋ C. E., mi wana ndoo suaa le Mɛlɛka wo Pɔɔl tuu kunda leKilisiɔŋndo a “chiɛi bɛndoo” nduyɛ mbo tuu waŋnda o kundaa niŋ a “nyɛm laandoŋ” ɔɔ nyɛm walloŋ chiɛɛniŋ. Ŋ hiau lachi a waa “nyɛ ilaandui bɛnda le dɛnɛla bɛŋndaŋ nde” te ŋ fafaŋ pɛ chaŋyɛi kpɛɛluŋnde tosaa a wana o wana o yɔŋ bɛɛ waŋndo o yuŋgu naa niŋ, o cho tosaa sɔɔŋ Chɛhowa kɛɛ woŋ ndo. (2Timo 2:20, 21) Lelaŋ, maa ŋ hiounuŋ lachi a chaŋyaŋ tosaa a wanaa kaala Chɛhowa nduyɛ ma dɛɛniaa naa le ndu piɛiyo wa.
TOFA VIDUEIYO HOO PƐƐKU LE CHAŊYAŊ WƆƆŊNDOŊ FAFAŊNDO, OKOŊ MI LA MULI NYUNALAŊ NDAŊ:
Ɔɔ nɛilaŋ latiŋ naŋ sɔla chaŋyaŋ wɔɔŋndoŋ ndo?
O viduei naŋ tofa wo niŋ, yɛɛ mala yɛ Kilisiɔŋnda a yaa le kiolɔɔ chaŋyaŋ wɔɔŋndoŋ?
Sawa mandaa Baabui kuɛɛ mala yɛ num le chaŋyaŋ hɛlioo a taasi?
Baa “nyɛ ilaandui bɛnda le dɛnɛla bɛŋndaŋ nde” ya cho ni?—2Timo 2:21