Tosa Yaasiaa

A cho pa tɔnɔɔ sɔlaa tau o bolii Baabui nda tɛɛsiaa o Yau Yaasiaa ŋSɔɔ le Seiyaa Chɛhowaa wo niŋ?

Tɛɛsiaa bolii Baabui cho o yauwo hoo niŋnde mala num le ma chɔɔlu Diom Mɛlɛkaa biyɔɔ bila nyɛkɛndɛi. Ma chɔɔlu vɛlɛ tɛɛsiaa yiŋgoloŋ a konala cho o bolii Baabui yɛ yɛi niŋndaŋ, le yɛɛ nda poonyiaa yɛ laŋ, a nɛɛ yaa okɔɔ la soo yɛ, ɔɔ nyɛ diomnda laŋ lapum la sim ndo.

Mi Watchtower ONLINE LIBRARY^™ a JW Library^® mala num ma tosa yaasiaa sakpo a bolle Baabuileŋ lepum okɔɔ o Yau Yaasiaa ŋSɔɔ le Seiyaa Chɛhowaa niŋ. A saaluŋ yaasiaa laŋ ndaŋ o fonda pɛɛkaa o Baabui kɛ kɛ choo o fondaa hoo.

Te a wa pɛ fondaŋ yaasiaa hoo soliŋndo kpeku, kindiŋ ma handu kɔllo o teleŋ nda poonyiaa sɔɔŋ muŋ ndo choo. Yaula sɛnɛilaŋ la fula o bolleŋ ni. Te a tol pɛ amatou di, ma che yaula paandula nda miŋgi kpɛlɛkiaalaŋ.

• Yau Yaasiaa ŋSɔɔ vɛlɛ a yaula cheleŋ la cho o Watchtower ONLINE LIBRARY choo.

• Le ma sɔla yaasiaa laŋ ndaŋ o JW Library, tusi Yau Yaasiaa ŋSɔɔ o nyɛ num mapuuloo choo, nduyɛ ma wa tofaa le sɔɔŋ sɛnɛiyoŋ tusioo te ŋ wa pɛ. A sɔla batiuwaa te a wa pɛ fondaŋ pɛɛkaa amatou soliŋndo kpeku, o bolle Baabuile kɛ kɛ niŋ.