Tosa Yaasiaa

Yɛɛ Mala yɛ Naa Miŋ Nɔ Sinapɛŋgu Sɛnɛiyo Teleŋ o Teleŋ a Tonyala Baabuiyo Okɔɔ?

Hau, Chɛhowa cho naa malaa le tonyala cho o Baabuiyo niŋndaŋ biyɔɔ bila, mbo hiau maa paandu. Nuawɔ se dikeŋnaŋ bɛndu naŋ nɔ wo! (Daan. 12:4) A koŋ kpou, naapum miŋ che ndi ikala le sinapɛŋgu sɛnɛiyo nɔɔ teleŋ o teleŋ a tonyala Baabuiyo okɔɔ. Kuɛɛ naŋ saaluŋ yɛ sinapɛŋgu sɛnɛiyo a tonya Baabuiyo okɔɔ vɛlɛ a tɛɛsiaa ndɔɔ?

• Yau Yaasiaa Ŋsɔɔ le Seiyaa Chɛhowaa, nɔ tonyala naŋ sɔla sinapɛŋgu sɛnɛiyo a laŋ okɔɔ laŋ tau o lepula. Tofa “Jehovah’s Witnesses,” okoŋ ma tofa, “Views and Beliefs.” Okoŋ kɔɔli a tofa, “Clarification of Our Beliefs.” O puuluei niŋ.

• Te a tofa pɛ suɛi lebolle hei, “Beliefs Clarified” o yauwo hoo, Watch Tower Publications Index niŋ, a cho saalɔŋ tonyalaŋ lapum o lepula vɛlɛ a wɔsi naŋ sɔla sinapɛŋgu sɛnɛiyo a laŋ okɔɔ wo. Poonyiaa diomndaŋ ndaŋ “understanding clarified,” o kɔfu cho le yaasiaa o Watchtower Library ɔɔ Watchtower ONLINE LIBRARY wo niŋ, a kpiɔɔŋ ŋmuuŋ.

Te o bɛnda pɛ, a hɛli tonyalaŋ ndaŋ opilɛ te a wa pɛ pɛɛkɔŋ ipilayaa tosaa. Okoŋ ma tosa yaasiaa le chɔɔ sinapɛŋgu sɛnɛi naŋ nɔ niŋ a ndu okɔɔ wo vɛlɛ a sabula cho o Baabuiyo niŋ mi la toolu sinapɛŋgu sɛnɛi koŋ ndo.