SUƐI LEBOLII 34
Vɛɛ Naŋ Chɔm yɛ Maa Ŋ Kaala Chɛhowa?
Chɔŋ a teleŋ ŋ kandu Baabuiyo pɛɛkoo wo, a cho pa sinaŋndo maa a chɔɔlu Mɛlɛka sɔɔŋguu ikɛi? A yeema pa ma hiou lachi a chaŋyɛi ŋ nɔ nya ndu ve kindioo? Te lende i cho ni, mɛɛ loonuŋ maa mɛɛ ŋ hiau lachi a Chɛhowa kaalaa fau, lende koni ndu bɛɛ kaala num ni nduyɛ mbo manda num. Yɛɛ ŋ nɔ yɛ ma tosa le ndu chɔmndo maa a kaala ndu?
1. Vɛɛ naŋ chɔm yɛ Chɛhowa maa ŋ kaala ndu?
Ŋ chɔm maa ŋ kaala Chɛhowa te ŋ bii pɛ sawala ndɔlaŋ. (Nuawɔ 1 Chɔŋ 5:3.) O beŋ naa le sawala ndɔlaŋ biyɔɔ le. Kɛ, o yeema mi wana o wana tosa kɛɛsiaa a ba ndɔ le ndu diikɔŋndo ɔɔ le ndu kiɔɔ diikɔŋndo. Le yɛɛ? Kanifuule, Chɛhowa yeema naa miŋ wa ndu “diikɔŋndo a kɔllo kpou.” (Luomaŋnda 6:17) Hei sim ni maa, o yeema num ma diikuŋ ndu a kaka le, kɛ le mɛɛ ŋ kaala ndu yɛ. Buŋgɛi 3 a 4 o yauwo hoo niŋ cho num mala ma sina mɛɛ ŋ chɔm maa a kaala Chɛhowa yɛ. A cho pɛɛku a sɔɔŋ nɛŋi ndu kɔllo woŋ vɛlɛ a sɔɔŋ tɛɛmbuu ndu kɔllo woŋ okɔɔ.
2. Le yɛɛ i wa yɛ lepum ikala le chɔmndo maa ŋ kaala Chɛhowa?
“Wana cho sakpo Mɛlɛka o hɔllo bɛɛ mi sɔɔŋ dɛnɛ palaŋ ŋ komal ndu tau.” (Sam 34:19) Naa kpou cho chɔulabaa siɔwuŋ cho naa o ŋdialloŋ. Teleŋndaŋ lapum yɛ, mi bahawɛi nyɛsɔlaa komal naa, ma tosal naa kafalaŋ, nduyɛ mi sɔɔŋ palaŋ cheleŋ tol naa choo. Te sɔɔŋ kendu naa pɛ choo, o ve bɛɛŋ bɛɛŋ le tosaa nyɛ Chɛhowa dimul naa wo le. Kanifuule, miŋ kuɛ le yiyaŋ maa te ŋ tɛɛmbuu pɛ sawa Chɛhowaa, bahawɛi naa cho keleŋa fula. Kɛ te a tosa pɛ nyɛ Chɛhowa dimul naa wo o teleŋnda waa naa niŋ, mɛɛ keŋ chɔm maa a kaala ndu mbo hiau nyɛ o nyɛ. Nduyɛ maa, fɛɛŋ bɛɛ a feŋaŋ ndu kɔɔli le. O hei niŋ, ndu bɛɛ cho num wa kɔɔli lɔɔlɔɔ. Fɛɛŋ bɛɛ o mel num te.—Nuawɔ Sam 4:3.
CHƆƆLU YAASIAA
Pɛɛku ma sina le sabu diikɔŋ numndo cho nyɛ sɔvɛ o Chɛhowa lo wo, nduyɛ ma che nyɛ mala num le hei tosaa wo.
3. Suɛi Setana baa num nde
O Baabuiyo niŋ, yau Choobu wo dɔɔnuŋ kona maa mi Setana baa Choobu suɛi. O cho ko ndu le Setana baa suɛi hei le, kɛ wana o wana yeema pɛ mbo piɛi Chɛhowa. Nuawɔ Choobu 1:1, 6–2:10, okoŋ mi la suukaŋ o nyunalaŋ ndaŋ choo:
A mɛɛ Setana dimi yɛ, le yɛɛ Choobu wa yɛ Chɛhowa diikɔŋndo?—Tofa Choobu 1:9-11.
Yɛɛ Setana dimi yɛ a waŋnda chieeya kpou okɔɔ, hali a num bɛɛ?—Tofa Choobu 2:4.
Nuawɔ Choobu 27:5b, okoŋ mi la suukaŋ o nyunaa hoo choo:
Vɛɛ Choobu chɔm yɛ maa ndoo kaala Chɛhowa a kɔllo kpou?
Mi Choobu chɔm kaala ndɔɔ le Chɛhowa a mɛɛ o chɔm lo lechoo wo o ndu lo yɛ
Ŋ chɔm maa ŋ kaala Chɛhowa te ŋ chɔm pɛ lo lechoo wo o ndu lo
4. Tosa mi Chɛhowa naŋ kɔl
Nuawɔ Pulɔwaa 27:11, okoŋ mi la suukaŋ o nyunalaŋ ndaŋ choo:
Vɛɛ kɔllo wa yɛ Chɛhowa te a wa pɛ wana kɔl kalu, nduyɛ ma diikuŋ ndu? Le yɛɛ ŋ dimi yɛ lende?
5. A nɔla ma chɔm lo lechoo wo o Chɛhowa lo
Kaala naŋ nɔ le Chɛhowa wo nyindu naa ni miŋ dimul acheleŋnda a ndu okɔɔ. Nduyɛ, lo lechoo naa nyindu naa ni le ndi tosaa o yɔŋ bɛɛ mii wa ikala. Handu VIDUEIYO, okoŋ mi la suukaŋ o nyunalaŋ ndaŋ choo:
Baa ma che ndi pa lepum ikala le waŋnda dimullo a Chɛhowa okɔɔ?
O vidueiyo hoo niŋ, yɛɛ mala yɛ Kelesiŋ mbo soliŋ siooŋnde o kɔl?
O wa tɛtɛlɛ miŋ chɔm lo lechoo wo o Chɛhowa lo, te ŋ kaala pɛ nyɛ o kaala wo, nduyɛ miŋ tul nyɛ o tul leyɛ wo leyɛ. Nuawɔ Sam 97:10, okoŋ mi la suukaŋ o nyunalaŋ ndaŋ choo:
A mɛɛ ŋ pɛɛku niŋ yɛ, ɔɔ sɔɔŋ Chɛhowa kaala woŋ ŋ tiŋ? Ɔɔ sɔɔŋ o tul leyɛ woŋ ŋ tiŋ?
Yɛɛ ŋ nɔ yɛ ma tosa le ma kaala nyɛ cho o kɛndɔɔ wo nduyɛ ma tul o wɔɔŋndo leyɛ?
6. Miŋ sɔla tɔnɔɔ tau te ŋ diikuŋ pɛ Chɛhowa
O cho bɔɔ suɛi sɔvɛ le miŋ diikuŋ Chɛhowa lɔɔlɔɔ. Nuawɔ Aisaya 48:17, 18, okoŋ mi la suukaŋ o nyunalaŋ ndaŋ choo:
A laalaŋ pa maa ŋ nɔla miŋ tiindaŋ Chɛhowa maa o sina nyɛ bɛnda le naa wo? Le yɛɛ ŋ dimi yɛ lende?
Chɔŋ a teleŋ ŋ kandu Baabuiyo pɛɛkoo a Chɛhowa Mɛlɛka okɔɔ wo, tɔnɔ yɛɛ ŋ sɔla yɛ niŋ?
TE WAŊNDO DIMI PƐ AA: “O cho sɔɔŋ naŋ tosa woŋ kpou le Mɛlɛka handu kɔllo choo le.”
Bolle Baabuile kuɛɛ ŋ soliŋ yɛ kpeku le ndu chɔmndo maa, mi nyɛ naŋ tosa wo tɛɛmbuu ndu kɔl ɔɔ mbo nɛŋi ndu kɔl?
SƆƆŊ KULLOŊ
A nɔla ma chɔm maa a kaala Chɛhowa te a diikuŋ ndu pɛ, nduyɛ ma chɔm lo lechoo wo o ndu lo o teleŋnda kala kalalaŋ bɛŋgu.
Nyunala miiŋgaa choo laŋ
Yɛɛnɛ ŋ pɛɛku yɛ o tamasi Choobu wo niŋ?
Vɛɛ ŋ chɔm yɛ maa a kaala Chɛhowa?
Yɛɛ cho yɛ num mala ma hiou lachi a lo lechoo wo chɔmndo o Chɛhowa lo?
CHƆƆLU SƆƆŊ PUM TOFA
Pɛɛku wɔ ma sina mɛɛ ŋ chɔm lo lechoo wo o Chɛhowa lo a o kundaa niŋ yɛ.
“Wanaa Hiau Lachi a Num Tiindaŋndo Wa, Waa Ŋ Wa Nda Kɔɔli Ni” (16:49)
Chɔɔlu yaasiaa a suɛi Setana baa waŋnda chieeya ve okɔɔ.
“Choobu Feŋaŋ o Laalaŋ Ndɔɔ Choo Le” (Baabuiyo—Yooŋgu Yɛɛ Cho yɛ Leniŋ? buŋgɛi 6)
Tofawɔ ma che mɛɛ chuaambuaa bɛɛ chɔm maa a kaala Chɛhowa yɛ.
Vɛɛ feleŋgɔnɔɔ nɔla yɛ mbo nɛŋi Chɛhowa kɔl, o yɔŋ bɛɛ mi chaaŋaa nduaa kindiŋ le ndu balaŋ lueiyo o suɛi wɔɔŋnde tosaa niŋ?