Yɔŋgɔŋndo

Nyɛ Chiisu Tosa Wo

VIDUEIYO: Chiisu Cho Nikodimɔɔ Pɛɛkoo

1. Tofa VIDUEIYO, ɔɔ nuawɔ Chɔŋ 3:​1, 2. Okoŋ ma muli nyunalaŋ ndaŋ:

1. Le yɛɛ Nikodimɔɔ ndoo kuɛ yɛ o Chiisu lo a nyumndaŋ?—Tofa Chɔŋ 12:​42, 43.

2. Mɛɛ Nikodimɔɔ kuɛ o ndu lo a nyumndaŋ, vɛɛ Chiisu ndoo chɔm yɛ maa o wa o bɛɛndiaŋ teleŋ o teleŋ le waŋnda siiŋguuwo buɛiya?

Yɛɛ Naŋ Pɛɛku yɛ Chiisu o Ba?

2. Ŋ chɔm maa ŋ kaala waŋnda te ŋ yɔŋguŋ pɛ naapila kpou le nda malaa ma simnuŋ buɛiya.

Tol Tamasi Chiisu Wo Kɔɔli

3. Pɛɛku waŋndo Baabuiyo o fondaŋ o hɛnaŋndo, vɛlɛ a teleŋ o yeema pɛ. Naapum o paaleŋ lepum choo, ɔɔ a teleŋndo opum kinɛi o hɛnaŋ pɛɛkoo ni. Baa o hɛnaŋ pa le mi la wa pɛɛkoo o fondaŋ o tosa wallo wo, o ndu lo bɛɛ, ɔɔ naa waŋnda hiau tau wa? Tosa a sabu le ma wa ndu Baabuiyo pɛɛkoo o fondaŋ o hɛnaŋndo.

4. Tosa pɛɛku waŋndo lɔɔlɔɔ. Te a wa pɛ kɔlaŋ inɛ, kialu pɛɛkoo le. Kɛ nyunaŋndɔ aa:

1. Baa o bɛnda pa mi tosa pɛɛku ndɔɔ o paale cheleŋ choo?

2. Baa o bɛnda miŋ tosa pɛɛkoo o foŋndo ɔɔ o vidueiyo choo?

3. O bɛnda pa mi dimul wana dimiaa yooŋgu kɛndɛ cheleŋ le mbo pɛɛku ndu?

5. Piɛi o Chɛhowa lo le ma nɔ yiyaŋ kɛndɔɔ. Dimul Chɛhowa le mbo mala num ma hiou lachi a pɛɛku waŋndo tosaa o yɔŋ bɛɛ mbo che ndi ikala le pɛɛkoo lɔɔlɔɔ, ɔɔ le nyɛ o cho pɛɛkoo wo dɔwɔɔ o wali niŋ. (Filipi. 2:13) Naapum wana ŋ cho pɛɛkoo wo nɔ suliŋnda kɛndɛlaŋ tau. Lelaŋ piɛi o Chɛhowa lo le mbo mala num ma handu kɔllo o suliŋnda ndɔla kɛndɛlaŋ choo.