SUƐI LEBOLII 46
Le Yɛɛ Naŋ Nɔ yɛ Miŋ Yɔŋguŋ o Mɛlɛka lo Nduyɛ Miŋ Sɔla Yiŋɔɔ?
A yɔŋguŋ o Chɛhowa lo te a chuel ndu pɛ buŋgɛi o piɛileŋ niŋ maa, ndupilɛ kpe ŋ cho piɛi ni. Nduyɛ maa, hɛnaŋ ndɔɔ tosaa cho wa nyɛ tasoo o yoomu numndo niŋ ni. (Sam 40:8) Te a tosa keŋ pɛ, a nɔ niko ma sɔla yiŋɔɔ le chɔmndo waŋnda o hɔl kpendekele maa a yɔŋguŋ o Mɛlɛka lo. Kɛɛsiaa naŋ tosa le yɔŋgɔŋndo o Chɛhowa lo wo cho o sɔvɛ, mbo hiau kɛɛsiaa kɛ kɛ o yoomu naa niŋ. Yɛɛ nɔla yɛ mbo nyindu num le kɛɛsiaa sɔvɛ nɔla hoo mbo siŋga yoomu numndo wo tosaa?
1. Yɛɛ nɔla yɛ mbo nyindu waŋndo le yɔŋgɔŋndo o Chɛhowa lo?
Kaala naŋ nɔ le Chɛhowa wo nyindu naa ni miŋ yɔŋguŋ o ndu lo. (1 Chɔŋ 4:10, 19) Baabuiyo dimi aa: “A nɔ ma kaala Chɛhowa Mɛlɛka numndo a kɔl numndo kpou, a yoomu numndo kpou, a yiyaŋ numndo kpou, nduyɛ a kpaaya numndo kpou.” (Maki 12:30) O cho ko nyɛ naŋ dimi wo le chɔm maa ŋ kaala Mɛlɛka le. Kɛ ŋ nɔ miŋ tosa nyɛ le chɔmndo maa ŋ kaala ndu. Te kaala kpeekpeiyo wa pɛ wana pɔnɔɔ nda wana lanɔɔ tɛɛŋ, keŋ nɔla mii nyindu nda ma chal o nɔɔ niŋ. Lende koni, kaala naŋ nɔ le Chɛhowa wo nyindu naa ni miŋ yɔŋguŋ o ndu lo, nduyɛ miŋ sɔla yiŋɔɔ.
2. Salala kuɛɛ la cho yɛ le wanaa yɔŋguŋ o Chɛhowa lo nduyɛ ma yiŋ nda?
Te a yiŋ pɛ, num bɛɛ luɛi o yuŋgu cho Chɛhowa piɛiyo a kɔl kɛndɛ wo niŋ. Chɛhowa cho num vɛlɛ kaalaa chɔm o nɛila bɔɔbɔɔ niŋ, nduyɛ a cho ndu chɔɔlu sɔɔŋguu ikɛi kpɛɛluŋ. (Nuawɔ Malakai 3:16-18.) O cho vɛlɛ simnɔŋ Finya num. Nduyɛ o faŋaŋndɔ o hei kɔɔli, puaapiliaa a ndepiliaa cho ndu piɛiyo chieeŋndo balɔɔ silɔ wa cho wa yuŋgu numndo. Nda bɛɛ kaala Chɛhowa nduyɛ a nɔ vɛlɛ kaalaa tau le num. (Nuawɔ Maki 10:29, 30.) Kɛ o wa bɛɛ lende, a nɔ ma tosa sɔɔŋ ŋpum tuupa ma yiŋ. A nɔ ma pɛɛku a Chɛhowa okɔɔ, ma kaala ndu, nduyɛ ma dɔu laalaŋndo o Po ndɔɔ niŋ. I mɛɛlɛi kpɔŋ, a nɔ ma yɔŋgu yoomu numndo o Chɛhowa lo. Te a tosa pɛ sɔɔŋ muŋ nduyɛ ma yiŋ, mɛɛ a del o nɛi yaa num o yoomu fafɛɛŋndo wo choo. Diom Mɛlɛkaa dimi aa: “Yiŋɔɔ . . . ndu cho nya hau piŋioo ni.”—1 Pitɛ 3:21.
CHƆƆLU YAASIAA
Yaasiaa wɔ ma sina le sabu i cho suɛi sɔvɛ le ma yɔŋguŋ o Chɛhowa lo, nduyɛ ma sɔla yiŋɔɔ wo.
3. Naa kpou nɔ miŋ hɛli wana naŋ cho piɛiyo
O Isɔluɛi niŋ sindɛ, waŋnda apum ndaa yiyaŋ maa a nɔla ma wa Chɛhowa piɛiyo, nduyɛ ma wa vɛlɛ mɛlɛka lachoowaa Baal sooluuwo. Kɛ mi Chɛhowa viam wana ndoo suaa le ndu wo Ilaicha, le nda dimullo maa keŋ nɔla mii yɔŋnuŋ te. Nuawɔ Masaa Bɛnduaa Tasiaa 18:21, okoŋ mi la suukaŋ o nyunaa hoo choo:
Kɛɛsiaa yɛɛ Isɔluɛiya ndaa nɔ yɛ ma tosa?
Maa Isɔluɛiya, naa bɛɛ nɔ miŋ hɛli wana naŋ cho piɛiyo. Nuawɔ Luku 16:13, okoŋ mi la suukaŋ o nyunalaŋ ndaŋ choo:
Le yɛɛ ŋ ve Chɛhowa piɛiyo, miŋ yɔŋguŋ vɛlɛ o wana chioo lo, ɔɔ o nyɛm cheleŋndoŋ lo le?
Vɛɛ naŋ chɔm yɛ Chɛhowa maa ndupilɛ kpe naŋ cho piɛi ni?
4. Yiyaŋ a kaala Chɛhowa nɔ le numndo okɔɔ
Chɛhowa ke naa nyɛm kɛndɔŋ tau. Yɛɛ naa bɛɛ nɔla yɛ miŋ ke ndu? Handu VIDUEIYO.
Ɔɔ nɛila Chɛhowa chɔm num niŋ kaalaa laŋ lapum? Nuawɔ Sam 104:14, 15 a 1 Chɔŋ 4:9, 10, okoŋ mi la suukaŋ o nyunalaŋ ndaŋ choo:
O nyɛm Chɛhowa ke num ndoŋ tɛɛŋ kpou, o kuɛɛ ŋ hiau yɛ ndu balikaa mel le ndu?
Te a yiyaŋ pɛ a nyɛm o ke num muŋ ndoŋ okɔɔ, vɛɛ kɔllo wa yɛ num a ndu?
Te waŋndo ke naa pɛ nyɛ naŋ hɛnaŋ tau wo, miŋ tosa nyɛ le ndu chɔmndo maa ŋ nɔ balika melaa le nyɛ o ke naa koŋ ndo. Nuawɔ Ditɔnɔmii 16:17, okoŋ mi la suukaŋ o nyunaa hoo choo:
Te a yiyaŋ pɛ a sɔɔŋ Chɛhowa tosal num niŋndoŋ, yɛɛ num yeema yɛ ma ke ndu le ndu balikaa mello?
5. Te a yɔŋguŋ pɛ o Chɛhowa lo, o cho num salaa dɔwɔɔ tau
Wanaa bɔɔbɔɔ laalaŋ maa tɔɔ, wali bɛndoo, a kanioŋ tosa ni ma wa a kɔl kɛndɛ. Kɛ baa keŋ cho pa tonya? Handu VIDUEIYO, okoŋ mi la suukaŋ o nyunalaŋ ndaŋ choo:
Mi che bɛɛ po naŋ che o vidueiyo hoo niŋndo ndoo kaala bɔllo lɔɔ tau, kɛ le yɛɛ o mal lɛ bɔllo lɔɔ?
Mbo kɛɛsiaa le mbo yɔŋguŋ o Chɛhowa lo, kɛ o cho le mbo wa bɔllo lɔɔ le. A yiyaŋ pa maa kɛɛsiaa kɛndɔɔ o tosa koŋ ni? Le yɛɛ ŋ dimi yɛ lende?
Tuupa mi kiilanɔɔ Pɔɔl simnuŋ Kilisiɔŋnɔɔ, o wa kɔlaŋ o dɛnɛ sinaa bɛndoo niŋ le mbo pɛlnuŋ ladio. O wa pɛɛkoo a sawala maChuu laŋ okɔɔ. Nduyɛ, wana ndoo pɛlnuŋ ladio o teleŋ koŋ niŋndo pɛɛku ndu ni. Kɛ mbo mal dɛnɛ sinaa bɛndu koŋ kpou, le halikpeŋ mbo simnuŋ Kilisiɔŋnɔɔ. Baa mi ndoo tambu pa kɔl le kɛɛsiaa o tosa koŋ ndo? Nuawɔ Filipiaŋnda 3:8, okoŋ mi la suukaŋ o nyunalaŋ ndaŋ choo:
Le yɛɛ Pɔɔl chua yɛ sɔɔŋ o wa paandu tosaa tuupa mbo simnuŋ Kilisiɔŋnɔɔ wo maa “bil waa o sal choo?”
Yɛɛnɛ o sɔla yɛ o koŋ kɔɔli?
Yoomu numndo soliŋndo kpeku le Chɛhowa piɛiyo, a ndu soliŋndo kpeku o nɛi cheleŋ choo, o kuɛɛ hiou yɛ wa o sɔvɛ?
Mɛɛ Pɔɔl simnuŋ Kilisiɔŋnɔɔ, tɔnɔ ndoo sɔla wo hiou poloŋ a nyɛ hɛluŋ ndu wo
TE WAŊNDO DIMI PƐ AA: “Te wana yɔŋguŋ pɛ o Mɛlɛka lo, a tui yoomu numndo yeela le.”
Le yɛɛ ŋ yiyaŋ yɛ maa i cho suɛi taasi, le ma yɔŋgu yoomu numndo o Chɛhowa lo?
SƆƆŊ KULLOŊ
Kaala naŋ nɔ le Chɛhowa wo nyindu naa ni miŋ yɔŋguŋ o ndu lo nduyɛ miŋ sɔla yiŋɔɔ.
Nyunala miiŋgaa choo laŋ
Le yɛɛ Chɛhowa yeema yɛ naa miŋ kaala ndu a kɔl naa kpou nduyɛ miŋ piɛi ndu?
Vɛɛ Chɛhowa duau yɛ wanaa yɔŋguŋ o ndu lo nduyɛ ma yiŋ nda sala?
A yeema pa ma yɔŋguŋ o Chɛhowa lo?
CHƆƆLU SƆƆŊ PUM TOFA
Tofawɔ ma che le sabu wana soliaa ŋchondoo, a wana luaa bɔllo kɛɛsiaa le yɔŋgɔŋndo o Chɛhowa lo wo.
Nyunala Feleŋguaa—Yɛɛ Ya Cho yɛ Tosa a Yoomu Nuu? —Tofaŋndo Kɔɔli (6:54)
Chɔɔlu yaasiaa sabula o bɛnda ma yɔŋguŋ o Chɛhowa lo wo.
“Le Yɛɛ Ŋ Nɔ yɛ Ma Yɔŋguŋ o Chɛhowa Lo?” (Bandu Mɛŋgɛlaa, Tɛɛkpaa 15, 2010)
O nyɛchaa vidueiyo hoo niŋ, tofa ma che nyaale wanaa yɔŋguŋ o Chɛhowa lo wa sɔla wo.
Tofa bundɛi hei, “Le Wɔsila Bɔɔbɔɔ I Wa Nyunaŋndo Aa, ‘Le Yɛɛ Naŋ Cho yɛ Naŋ?’” Okoŋ, ma che nyɛ nyindu chuaa pum le hɛlioo nyɛ hiou wa o sɔvɛ o yoomu ndɔɔ niŋndo.
“Baabuiyo Siŋga Yoomulaŋ” (Bandu Mɛŋgɛlaa, Bɛŋgufɔnɔɔ 1, 2012)