BALTAŊ KANDƆƆ
SUƐI LEBOLII 4
Tusiŋndo
Sawa Mandaa: “La wa a tusiaŋ vellaa velle o chaaŋaa nyaa lo. Wana o wana ma chua bɛɛ chaaŋ num maa ndu hiou bɛnda a num.”—Filipi. 2:3.
Nyɛ Pɔɔl Tosa Wo
1. Tofa VIDUEIYO, ɔɔ nua Walta Kiilaa 26:2, 3. Okoŋ ma muli nyunalaŋ ndaŋ:
Vɛɛ Pɔɔl chɔm yɛ tusiŋndo a mɛɛ o soo o Masaa Akilipa lo yɛ?
Vɛɛ Pɔɔl soliŋ yɛ bolii Baabuiye kpeku le Chɛhowa saŋgalaa kɛ o cho ndupila le?—Tofa Walta. 26:22.
Yɛɛ Naŋ Pɛɛku yɛ Pɔɔl o Ba?
2. Mi yooŋgu kɛndɛ naŋ dimi wo hɛnaŋ waŋnda te o wa pɛ miŋ chɔm bɛɛleŋ a tusiŋndo o ndu dimioo niŋ.
Tol Tamasi Pɔɔl lo Kɔɔli
3. Soo o nɛi lebɛɛ niŋ. Ke waŋndo yiyaŋndo maa a nɔ taasioo ma hiau ndu le. Yiyaŋ nuaa maa ndu sina nyɛ o nyɛ le le. Soo o ndu lo o nɛi lebɛɛ niŋ.
4. Tosa mi Waŋndo sina kpendekele maa o Baabuiyo niŋ tonya ŋ cho ndu pɛɛkoo wo fula ni. Tonya cho o Diom Mɛlɛkaa niŋndo tiuba mbo pilaŋ waŋnda kɔltaŋ. Te ŋ soliŋ ndu pɛ kpeku, mɛɛ ŋ cho laalaŋ ndaa tɔlɔɔ o nyɛ kpeekpeiyo choo.
5. Duaunuŋ tumbe le. Baŋ kaŋgalaŋ le di numndo chɔmndo le. Ŋ yeema miŋ hiŋaŋ diomndaŋ a wana o wana le. Chɔm tusiŋndo, duaunuŋ tumbe le, nduyɛ sina teleŋ o bɛndɛ le ma faŋaŋ loŋ ndo. (Pulɔwaa 17:14; Taitɔɔ 3:2) Te a mulul pɛ waŋndo a lebɛɛ, koŋ tosa mbo yaŋ num nilaŋ teleŋ cheleŋ.