စံးထီၣ်ပတြၢၤ
၁၄၈ ဟါလ့ၤလူယၤ.*
သုဝဲလၢအအိၣ်လၢ မူခိၣ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.+
သုဝဲလၢအအိၣ်လၢ တၢ်လီၢ်ထီၣ်ထီသ့ၣ်ဧၢ, စံးထီၣ်ပတြၢၤ ကစၢ်ယွၤတက့ၢ်.
၂ ကစၢ်ယွၤ အမူခိၣ်ကလူး ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
ကစၢ်ယွၤ အသုးမုၢ် ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၃ မုၢ်ဒီးလါသ့ၣ်ဧၢ, စံးထီၣ်ပတြၢၤအီၤတက့ၢ်.
ဆၣ်လၢအကပြုၢ်ကပြီၤ ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၄ အိ မူခိၣ်လၢအထီကတၢၢ်
ဒီးတၢ်အၢၣ်လၢ အဒုးစူၤလီၤ မူခိၣ်ထံသ့ၣ်ဧၢ, စံးထီၣ်ပတြၢၤအီၤတက့ၢ်.
၅ ယဟိဝၤယွၤ ဟ့ၣ်လီၤတၢ်ကလုၢ် ဒီးတၢ်သ့ၣ်တဖၣ်န့ၣ် ဘၣ်တၢ်တ့လီၤအီၤ.+
အဃိ မ်တၢ်သ့ၣ်တဖၣ်န့ၣ် စံးထီၣ်ပတြၢၤ အမံၤတက့ၢ်.
၇ သုဝဲလၢ အအိၣ်လၢ ဟီၣ်ခိၣ်ချၢ,
တၢ်သးသမူဖးဒိၣ်တဖၣ်လၢ ပီၣ်လဲၣ်ပူၤ ဒီးထံယိာ်ပူၤခဲလၢာ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.
၈ လီဝၢ်ဒံး, သူၣ်, မူခိၣ်ဖီ, တၢ်အၢၣ်လၢ အတီၣ်တဖၣ်
ဒီးသုဝဲ ကလံၤမုၢ်လၢအဆူၣ်လၢ အမၤထွဲဝဲ ဒ်ကစၢ်ယွၤ တဲဝဲအသိးသ့ၣ်ဧၢ, စံးထီၣ်ပတြၢၤအီၤတက့ၢ်.+
၉ ကစၢၢ်ကလိ, တၢ်လူၢ်ခဲလၢာ်,+
သ့ၣ်လၢအအိၣ်ဒီး အသၣ်တဖၣ် ဒီးသ့ၣ်ဆှိအ့ရ့း ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၁၀ ဆၣ်ဖိကီၢ်ဖိအမံၤ,+ ဆၣ်ဖိကီၢ်ဖိအဒၢ,
တၢ်လၢအဟူးအဂဲၤ ဒီးထိၣ်ဖိလံၣ်ဖိ ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.
၁၁ စီၤပၤတဖၣ် လၢဟီၣ်ခိၣ်ချၢ, ပှၤကလုာ် ခဲလၢာ်,
ပဒိၣ်ဖးဒိၣ် ဒီးစံၣ်ညီၣ်ကွီၢ် လၢဟီၣ်ခိၣ်ချၢ ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၁၂ ပိာ်မုၣ်သးစၢ်, ပိာ်ခွါသးစၢ်,
ပှၤသးစၢ် ဒီးပှၤသးပှၢ် ခဲလၢာ်သ့ၣ်ဧၢ, စံးထီၣ်ပတြၢၤသကိးအီၤတက့ၢ်.
ဒီးအလၤကပီၤန့ၣ် အိၣ်ဝဲလၢ ဟီၣ်ခိၣ်ဒီးမူခိၣ် အဖီခိၣ်လီၤ.+
၁၄ အဝဲကမၤဆူၣ်ထီၣ် အပှၤဂီၢ်မုၢ် အဂံၢ်အဘါလီၤ.*
အကမၤဝဲ ဒ်သိးပှၤလၢ အသးတီဒီးအီၤတဖၣ် လၢအမ့ၢ် ပှၤအံၣ်စရ့လးဖိလၢ
အအိၣ်ဘူးဒီးအီၤန့ၣ် ကဘၣ်တၢ်ပတြၢၤ အဝဲသ့ၣ်အဂီၢ်လီၤ.
ဟါလ့ၤလူယၤ.*